Man City whiwhẹ Liverpool podo agó 4-1 po nado hẹn todido yetọn na ale do ogbẹ

Sẹgbe, Lidosun 2, 2023

Manchester City zán bọlu-hòtọ dagbe lẹ to bọlu-gbatẹn Etihad tọn nado gbà hihọ́ Liverpool tọn podo agó 4-1 bosọ to vivẹnudo nado mọ ale lọ yi.

Liverpool lẹ wẹ do agó ti tintan to aihun lọ mẹ gbọn Mohammed Salah dali to nukunwhiwhe 17tọ mẹ bọ Julian Alvarez he yin yiyizán do otẹn Erling Haaland he gbleawu mẹ fli agó lọ lẹkọ na Man City to nukunwhiwhe 27tọ mẹ.

Skye Blues do agó atọ̀ntọ yetọn to nukunwhiwhe pẹvide mẹ to gbọjẹ godo dile Kelvin de Bruyne do agó bọ Ikay Gundogan lọsu do agó to nukunwhiwhe 53tọ mẹ whẹpo Jack Grealish do yidogọna agó lọ nado hẹn awubla Jurgen Klopp tọn sudeji dogọ to nukunwhiwhe 74tọ mẹ Liverpool ko gú aihun atọ̀n to agbàwhinwlẹn lẹ mẹ to whenuena yé gbawhàn agó 7-0 tọn godo sọta Manchester United.

Mọdopọlọ yé gbẹ to vivẹnudo nado pegan na Champions League mahopọna dọ bọlu-hògbẹ́ Jurgen Klopp tọn to godo podo agó ṣianwe po do otẹn Champions League tọn mẹ ehe mẹ yé yin te to owhe he way.

Man City ko sẹpọ Arsenal podo agó (points) atọ́n po.

Asisa lẹ

• Oluwaseyifunmi Awobiyi. "Man City humble Liverpool 4-1, revive title hope".– Vanguard. April 1, 2023
• "Haaland-less Man City humble Liverpool".– SuperSport. April 1, 2023