Malala Yousafzai dla Pakistan pọ́n to singigọ ylankan de godo

Sibigbe, Kọ́yànsun 15, 2022

To Oguzangbe, Malala Yousafzai he mọ ale jijọho tọn yí ("Noble Peace Prize") lẹkọ yì otò etọn mẹ to Pakistan nado dla whẹndo he yin nuyiwadeji gbọn singigọ daho lọ dali lẹ pọn.

To enẹgodo to Azangaagbe, Malala dla omẹ Pakistan tọn he yin nuyiwadeji gbọn singigọ ylankan he wa aimẹ na osun susu lẹ pọn, ehe wẹ whlà awetọ he e basi dlapọn yì otò etọn mẹ sọn whenue e ko yin osò-dedo gbọn Taliban lẹ dali to nudi owhe ao die.

Malala basi dlapọn yì lẹdo he ko yin vivasudo lẹ.

Singigọ lọ yinuwado gbẹtọ sọha he yì nudi livi 33 ji.

Malala basi oylọ na otò devo lẹ nado basi nunina susu lẹ nado gọalọna mẹhe singigọ lọ ko gbape lẹ.

Owhe fọtọ̀n-mẹvi wẹ Yousafzai yin to whenuena ogbẹ́ gufinfọn tọn Pakistani Taliban lẹ dè osò do ota na ẹn na gbejizọnlin etọn gando nuplọnmẹ yọnnu tọn lẹ go.

Asisa lẹ[jlado | jla asisado]

"Malala Yousafzai visits Pakistan after deadly floods". — BBC. October 14, 2022
"Malala Visits Pakistan on 10th Anniversary of Taliban Shooting". — VOA. October 12, 2022