Mọto-dótọ atọ̀n kú to asidan he jọ to aliho Abuja-Kaduna tọn ji

Sẹgbe, Lidosun 9, 2023

Nuhe ma whè sọn gbẹtọ atọ̀n mẹ wẹ kú bọ omẹ ṣidopo devo lẹ gbleawu whenue mọto awe sọ́ yede to alihogbó Abuja-Kaduna tọn ji to Sibigbe.

Linlin-kàntọ lẹ se dọ asidan lọ jọ dile gbẹduhún de Toyota Highlander, he tindo nukinkan KWL198KA to e go, he to gbejizọnlin ji sọn Kaduna jei Abuja yì sọ́ mọto devo Volkswagen Golf he tindo nukinkan MKA89ZY to e go, he tlọn awà awetọ ji ja.

Asidan lọ hẹn mọto awe lẹ gble taun, bọ gbẹtọ lẹ sọ yin ginglọn do ye mẹ.

Mẹhe basi asidan lọ lẹ yin bibẹ yi dotowhe daho Sabon Wuse tọn, ṣigba atọ̀n to yé mẹ wẹ ko kú whenuena yé jẹ dotowhe. Mẹhe gbleawu lẹ to yínyín nukunpedego to dotowhe lọ bọ e sọ yin didọ dọ ninọmẹ yetọn ma yọn paali. E yin didọ dọ matintọ atọ̀n lọ lẹ ko jijo na hẹnnumẹ yetọn lẹ.

Asisa lẹ

• Gift Habib." Three passengers die in Abuja-Kaduna road crash". — Punch. April 9, 2023
• Fred Itua." Easter: 3 die in Abuja auto accident, 7 injured". — The Sun. April 9, 2023