Mẹsusu wẹ yé deso do bo hù to plitẹnhọsa Kunnudetọ Jehovah tọn lẹ tọn he tin to Hamburg

Ahọluzangbe, Whejisun 10, 2023

Mẹsusu wẹ yin huhu to whenue danuwatọ sohẹntọ dé jẹ oso de ji to plitẹnhọsa Kunnudetọ Jehovah tọn lẹ he tin to Hamburg mẹ, bọ sọhẹntọ lọ yin didọ gandego dọ e tin to mẹhe kú lọ lẹ mẹ, wẹ ponọ̀ German tọn lẹ dọ to Yọnnuzangbe.

Ponọ̀ lẹ ma ko donu sọha omẹ he ku lẹ tọn go, amọ́ linlinhọsá lẹdo lọ mẹ tọn voovo lẹ na linlin dọ omẹ ṣinawe wẹ ku bọ omẹ ṣinatọ̀n devo lẹ gbleawu taun.

Nudi ogàn ṣidopo din nukunwhiwhe fọtọ̀n whejai (6:15pm) (ogàn Naijilia tọn) wẹ mí mọ oylọ alókan ji tọn to nujijọ ajiji whenu whla tintan te to whenue yè de osò do ohọ̀ he to agéwaji Gross Borstel tọn lọ, wẹ hoyidọtọ ponọ̀ lẹ tọn de dọ to nujijọ lọ tẹnmẹ.

Ponọ̀ lẹ ze linlin lọ do zomọ intẹnẹt twitter tọn ji dọ "mẹsusu wẹ gbleawu taun, bọ mẹdevo lẹ kú" to nujijọ lọ whenu.

Asisa lẹ

• "Several shot dead at Jehovah’s Witness centre in Hamburg". — Punch. March 10, 2023
• Jenny Hill and Jaroslav Lukiv. "Hamburg shooting: Seven killed in attack on Jehovah's Witness hall". — BBC News. March 10, 2023