Jump to content

Mẹplọntọ de yin zize yi whẹdatẹn na e hò wehọmẹvi owhe ṣinẹnẹ mẹvi de wutu

Sọn Wikilinlin

Ahọluzangbe, Nuwhàsun 12, 2023

To Oguzangbe he wayi, yè hẹn Aderonke Makinde, nawe owhe gban-atọ́n mẹvi de, wá owhẹ̀ nukọ̀n to Whẹ̀datẹn Daho Ogba tọn to lẹdo Ikeja tọn mẹ to ayimatẹn Awọnlin tọn, na whẹ̀sadokọnamẹ lọ dọ eyi obá do hò Oyinkansola Kayode he yín owhe ṣinẹnẹ mẹvi de to wehọ etọn Westgate Land Emperial Creche, Nursery and Primary School mẹ to lẹdo Mushin tọn mẹ to ayimatẹn Awọnlin tọn mẹ wutu.

Makinde yin hinhẹn yì Whẹ̀datọ E. Kubenje nukọ̀n podọ owhẹ̀ nukúnvandomẹ tọn wẹ to okò na ẹn.

Ponọ whẹ̀datẹn lọ tọn, Ajayi Kehinde, he sọ yin Alọgọtọ na Anadenanutọ Ponọ lẹ tọn, dọna whẹ̀datẹn lọ dọ mẹhe kọ̀ yè sawhẹ̀ do lọ doalọ to sẹnhẹngba lọ mẹ to azan koatọ́n-nukunatọ̀ntọ Whejisun, Owhe 2023 tọn.

Whẹ̀sadokọnamẹ lọ hia dole, "Dọ hiẹ, Aderonke Makinde, to azan koatọ́n-nukunatọ̀ntọ Whejisun, owhe 2023 tọn mẹ to wehọ Westgate Land Emperial Creche, Nursery and Primary School tọn he tin to No. 1 Okesanya Street, Papa-Ajao, Mushin, to ayimatẹn Awọnlin tọn mẹ bo to Whẹ̀datẹn Daho Awọnlin tọn mẹ vánnukúndo Oyinkansola Kayode, he yin owhe ṣinẹnẹ mẹvi de gbọn obá yiyi do hò e dali, bo gbọnmọ dali gbasẹ́n bọ sẹ́nbá he yin nudego to Adà 172 tọn Sẹ́nwe ayimatẹn Awọnlin tọn, 2015 tọn mẹ gán yin yiyi do hò we.

Etomọṣo, mẹhe kọ̀ yè sawhẹ̀ do lọ vẹvẹ dọ emi ma huwhẹ̀ osẹ́n he yin hihia dokọ na emi tọn

Whẹ̀datọ lọ, E. Kubenje, dawhẹ̀ dọ mẹhe kọ̀ yè sawhẹ̀ do lọ na sú N50,000 gbọn mẹhe na nọte na ẹn de dali.

Owhẹ̀ lọ yin sisẹ̀donukọ̀n kakajẹ azan ṣiawetọ Ayidosun, Owhe 2023 tọn.

Asisa lẹ

[jlado | jla asisado]