Mẹplọntọ de to Awọnlin ko yin didọhlan gànmẹ kakajẹ vivọnu ogbẹ etọn tọn na e zanhẹ wehọmẹvi owhe ṣinẹnẹ-mẹvi de wutu

Ahọluzangbe, Whejisun 31, 2023

To Yọnnuzangbe, whẹdatẹn de he nọ dọwhẹ̀ gando zanhẹmẹ po danuwiwa do mẹnọzo go to whẹndo mẹ po to Ikeja ko dó meplọntọ de, Peter Jacob hlan ganmẹ na pipotọ ogbẹ etọn tọn na e zanhẹ wehọmẹvi owhe ṣiẹnẹ mẹvi he yin madogánnọ de to ayimatẹn Awọnlin tọn mẹ.

Whẹdatọ Abiola Soladoye dọdọ osẹ́n he yè sà dokọna ẹn lọ dohia dọ nugbo wẹ dọ e hùwhẹ zanhẹmẹ tọn lọ. Sọgbe hẹ nuhe e dọ, kunnudenu he Kunnudetọ lẹ ze dai yin de he pẹnzin bosọ whànmẹ nado do yise to e mẹ.

Whẹdatọ lọ zindonukọn dọ, "e yin ayidego dọ whẹhutọ lọ ma do lẹnvọjọ hia. Viyọnnu lọ ma do ayiha awe whenue e dlẹnalọdo mẹhe go yé vẹnudo lọ whenuena yé ze fọto lẹ do nukọn na ẹn, podọ e sọ sọgbe hẹ kunnudenu he Kunnudetọ atọ̀n devo lẹ ze dai. "mẹhe go yé vẹnudo dọ e wa danu lọ yin gbẹtọ jijọ-madi-Jiwheyẹwhe tọn, danuwatọ ylankan podọ walọ gblezọnnọ de po, walọ he ma jẹ na mẹplọntọ de. N'mọ ẹn taidi mẹhe hùwhẹ he yè sà dokọna ẹn tọn, enẹwutu e yin didọhlan gànmẹ kakajẹ vivọnu ogbẹ etọn tọn.

Asisa lẹ

• Onozure Dania."Lagos teacher bags life jail for defiling nine-year-old pupil". — Punch. March 31, 2023
• Adebisi Onanuga."Teacher gets life for defiling challenged nine-year-old". — The Nation. March 31, 2023