Mẹfintọ lẹ hù omẹ awe, bosọ fìn mẹdevo delẹ to whenue yé tọ́nawhàn ogle de to Ogun

Sọn Wikilinlin

Yọnnuzangbe, Ayidosun 1, 2023

To Azangaagbe, sòhẹntọ he mí lẹn dọ yé na ko yin mẹfintọ lẹ, dèso do nuhọ́tọ de po mẹdevo de po bo hù yé bosọ fìn omẹ awe devo delẹ to ogle de mẹ to gbétatò Awo tọn mẹ, to Orile-Imo, to lẹdo gandudu dokọ̀ tọn Obafemi-Owode tọn mẹ, to ayimatẹn Ogun tọn mẹ.

Linlin lẹ dohia dọ mẹfintọ lọ lẹ dèso do ogán ponọ So-Safe Corps lẹdo lọ mẹ tọn de he mí yọnẹn taidi Saheed Ogunrinde po tomẹnu gbétatò lọ tọn devo de po bo hù yé.

E yin didọ dọ mẹfintọ lọ lẹ doaṣọ taidi awhànzọ́nwatọ lẹ.

Linlin lẹ dohia dọ ponọ lẹ po azọ́nwatọ So-Safe Corps tọn lẹ po to dindin yé.

Tòmẹnu gbétatò lọ tọn he ma jlo dọ yinkọ emitọn ni yin yinyọnẹn de dọdọ nujijọ lọ wá aimẹ to Oguzangbe zánmẹ.

Asisa nudọnamẹ lọ tọn dọdọ mẹfintọ lọ lẹ tẹnpọn nado fìn azọ́nwatọ susu lẹ ze to ogle lọ mẹ ṣigba yé yin alọhẹndotena gbọn ponọ lẹ dali.

E wule dọ yé penugo bo fìn azọ́nwatọ awe bosọ hù omẹ atọ̀n.

To whenue Soji Ganzalo, he yin nukọntọ ponọ So-Safe Corps tọn lẹ tọn, to hodọ gando nujijọ lọ go, e dọdọ azọ́nwatọgbẹ emitọn lẹ gọalọ nado hẹn ninọmẹ lọ pọnte to whenue mẹfintọ lọ lẹ ko tọ́nawhàn gbétatò lọ godo.

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Mẹfintọ_lẹ_hù_omẹ_awe,_bosọ_fìn_mẹdevo_delẹ_to_whenue_yé_tọ́nawhàn_ogle_de_to_Ogun&oldid=18201"