Mẹfintọ lẹ fìn jọja aflanmẹ de to Ondo, bo biọ mẹflikuẹ naira livi 10

Azangaagbe, Whejisun 22, 2023

Sòhẹntọ he mẹde ma ko yọnẹn delẹ fìn viyọnnu owhe 19-mẹvi de he nọ yin Adetutu Okibaloye sọn owhé etọn gbe to lẹdo Imoru tọn mẹ to lẹdo gandudu dokọ̀tọn Ose to ayimatẹn Ondo tọn.

Asisa nudọnamẹ tọn de to lẹdo lọ mẹ dọdọ danuwatọ lọ lẹ tọ́nawhàn owhé viyọnnu lọ tọn bo tẹnpọn nado fìn ewọ po nafẹ etọn po ṣigba nafẹ etọn họ̀ngán.

Yé dèso do nafẹ etọn lọ to whenue yé to huhlọndo nado fìn viyọnnu lọ po nafẹ etọn po.

Asisa nudọnamẹ tọn lọ sọ dọdọ "yé ko ze nafẹ lọ yì dotowhé de, fie e to yinyin nukunpedego te, ponọ he nọ yin yiylọ dọ Amotekun lẹ ko jẹ dodinnanu basi ji nado wle mẹfintọ lọ lẹ."

Ṣigba nudọnamẹ de dohia dọ danuwatọ lọ lẹ ko ylọ hẹnnumẹ viyọnnu lọ tọn lẹ, bo to bibiọ mẹflikuẹ naira livi ao.

Funmilayo Odunlami, he yin ponọ-gán de, dọdọ yé ma jẹwhẹ nujijọ lọ tọn na ponọ lẹ tlọlọ.

E dọdọ "yé ma jẹwhẹ nujọnu he wá aimẹ to Imoru tọn to ponọpa mẹ tlọlọ, ṣigba ogán (DPO) ponọpa lọ tọn dọdọ ahọlu tòpẹví lọ tọn ylọ emi bo dọdọ omẹ atọ̀n yin fìnfìn gbọn sòhẹntọ delẹ dali, bo dọdọ omẹ awe họ̀ngán, ṣigba omẹ atọ̀ntọ yin wiwle sọyi.

Asisa lẹ

• Peter Dada. "Kidnappers abduct Ondo teenager, demand N10m ransom". — Punch. March 22, 2023
• Osagie Otabor. "Ondo kidnappers demand N10m for abducted by teenager". — The Nation. March 21, 2023