Mẹfintọ lẹ biọ naira livi 5 na omẹ atọ́n he ye finze to Benue

Sibigbe, Lidosun 22, 2023

Mẹfintọ he yè vẹnudo delẹ ko gbà lẹdo Ingle-Otafe tọn to gandudu dokọ Okpokwu tọn to ayimatẹn Benue tọn mẹ, bo fin omẹ atọ́n, he bẹ yọnnu lọsu hẹn.

Mẹhe go nujọ do lọ lẹ yin didọ dọ, yé yin finfin to azangaagbe sọn nọtẹn voovo lẹ mẹ gbọn danuwatọ sohẹntọ lẹ dali.

Tovi Ingle tọn po azinponọ daho ogbẹ́ Edumoga Youth Association tọn, John Mathew, Simon Okpe po Michael Adah po yin finfin sọn Otanufe, to whenuena dawe de po asi etọn po, John Boniface po John Faith po yin finfin sọn Efonugu.

Sọgbe hẹ nuhe Itodo dọ, to godo mẹ, mẹhe yin finfin lọ lẹ ylọ Godwin Adah he novisunnu etọn Michael Adah tin to mẹhe yin finfin gbọn danuwatọ sohẹntọ lọ lẹ dali.

Jaguda lọ lẹ biọ mẹfligọkuẹ naira livi 10 na mẹhe yin finfin lọ lẹ wutu.

Itodo dọmọ, "nugbo wẹ dọ yé biọ akuẹ mọnkọ nado tun yé dote, ṣigba, to ojlẹ de godo, yé de akuẹ lọ pò do naira livi 5, ehe hẹnnumẹ lọ lẹ masọ penugo nado sú."

E doayiego dọ, danuwatọ sohẹntọ lọ lẹ to adánwa nado va ogbẹ̀ yétọn sudo, eyin mẹfligọkuẹ lọ ma yin súsú do ganmẹ."

Nukọntọ jọja lẹ tọn homlan gandudu gbọn aliho lẹpo mẹ podọ mẹdepope he tindo nugopipe lọ nado wa alọgọ na mẹhe yin finfin lọ lẹ.

E dọmọ, mẹhe adángbò lọ lẹ yin glesi de he jei ogle yétọn lẹ mẹ nado din dùdù po nùnù po.

Asisa lẹ

• Dirisu Yakubu. "Kidnappers demand N5m for five Benue residents" —Punch. April 22, 2023
• Uwakwe Benson. "Kidnappers demand N5m for five Benue residents" —The Times. April 22, 2023