Mẹfintọ Niger-nu delẹ yin wiwle to Abuja, podọ ovi ṣinawe yin whinwhlẹngan
Ahọluzangbe, Whejisun 24, 2023
Ponọ ayimatẹn Niger tọn lẹ ko wle mẹhe yin whẹsadokọna atọ̀n na yé fìn ovi delẹ to lẹdo gandudu dokọ̀tọn Suleja to ayimatẹ̀n lọ mẹ.
Wasiu Abiodun, he yin ogán ponọ lẹ tọn ayimatẹn lọ tọn, to hodidọ etọn de mẹ dọdọ mẹhe yin whẹsadokọna lọ lẹ yin wiwle to Abuja.
Abiodun dọdọ "mẹhe yin whẹsadokọna lọ lẹ, he bẹ Saviour Ebuka, he yin owhe 20-mẹvi de po Mary Peter, he yin owhe 25-mẹvi de po hẹn yin wiwle to Tunga-Maje, to lẹdo Gwagwalada tọn mẹ to tatọ́-tònọ otò lọ tọn to azán 20tọ Alunlunsun, 2023 tọn po azán 18tọ Afínplọsun, 2023 tọn po.
E dehia dọdọ mẹhe yin whẹsadokọna lọ lẹ ko fìn nọvi-nọvi awe delẹ he dopo tindo owhe atọ̀n podọ awetọ tindo owhe atọ́n sọn owhé yetọn gbe to owhe he wayi to Suleja, to ayimatẹn Niger tọn.
Abiodun yidogọ dọdọ, "Mí flin dọ to azán 20tọ Kọ́yànsun, 2022 tọn owhẹ̀ nujijọ mẹfinfin tọn he mẹ ovi awe yin fìnfìn te tọn yin hinhẹnwa ponọpa Suleja tọn mẹ, he dohia dọ to azán 19tọ Kọ́yànsun 2022 tọn, to nudi ogàn ṣinẹnẹ whèjai tọn mẹ, ovi awe he dopo tindo owhe atọ́n bọ awetọ tindo owhe atọ̀n, yèdọ sunnu de po yọnnu de po, ko bú, podọ dọ yé sọgan ko yin fìnfìn gbọn họ̀hayatọ he ṣẹṣẹ bẹ agbàn wá owhé lọ gbe lẹ dali."
Ponọ-gán lọ dọdọ to whenue mẹhe yin whẹsadokọna lọ lẹ ko fìn ovi lọ lẹ godo, yé bẹ yé yì owhé tọṣiọvi lẹ tọn de gbe to Abuja fie yé sú akuẹ sọha de na yé te.
Abiodun sọ dọdọ, "To hokansemẹ whenu, Saviour yigbe dọ emi kàn ayiha hẹ Ifeoma po Patience po nado fìn ovi lọ lẹ, na Ifeoma yigbe nado sú dopodopo yetọn akuẹ sọha N250, 000, amọ Patience kẹdẹ wẹ e ko sú akuẹ lọ, bo ma ko sú emi."
Abiodun yidogọ dọdọ," Dodinnanu to yìyì to alọnu nado wle Ifeoma po Patience po, podọ mẹhe ko yin wiwle todin lẹ na yin zize yì whẹdatẹn bosọ yin whẹdana to whenue dodinnanu lọ ko wá tadona kọ̀n."
Asisa lẹ[jlado | jla asisado]
- Justina Asishana. "Seven children rescued from Niger orphanage". — The Nation. March 24, 2023
- Aisha Wakaso. "Niger kidnappers nabbed in Abuja, seven children rescued". — Punch. March 24, 2023