Mẹfintọ Benue tọn lẹ fin omẹ atọ̀n bo biọ mẹfligọ̀kuẹ naira livi 1.7

Ahọluzangbe, Ayidosun 16, 2023

To Oguzangbe, mẹfintọ lẹ fin omẹ atọ̀n he bẹ ponọ dopo gọna omẹ awe devo lẹ hẹn to Ahume to aliho Naka/Makurdi tọn ji to ayimatẹn Benue tọn mẹ.

Linlinwe Punch Metro dọ dọ, mẹhe adángbò lọ lẹ g sọn agọto de whenue yé gbò aliho na yé to alihogbó ji to nudi ogan 4 whejai tọn mẹ bosọ bẹ yé sọyi fihe mayin yinyọnẹn de.

E yin sisé dọ bọdo mẹfinfin lọ go tlolo, mẹhe go yè vẹnudo lọ lẹ ylọ hẹnnumẹ mẹhe adangbò lọ lẹ bo biọ akuẹ naira livi 1.7 taidi mẹfligọkuẹ.

Mẹhe yin azinponọ, gandudu dokọ Gwer West tọn, Andrew Ayande, he hẹn nujijọ lọ diun dọ nugbo wẹ dọ, nujijọ lọ waimẹ to Azangaagbe, dọmọ, danuwatọ lẹ nọ saba nọ lẹdo lọ mẹ taun.

Ayande dọmọ, "Nujijọ ehe wa aimẹ to Oguzangbe; mí hẹn omẹ vonọtaun de bú to okú mẹ to Tẹnigbe, bọ oṣiọ lọ yin zize yiwhé to Oguzangbe. Danuwatọ lọ lẹ sọ lẹkọwa bo yangbé mẹhe tin to ohún de tọn mẹ.

"Ponọ de po omẹ awe devo delẹ po yin finfin to nudi ogan 4 mẹ to Ahume to aliho Naka/Makurdi tọn ji, bọ ohún he mẹ mẹhe yin finfin lọ lẹ te yin zize sọyi Ponọpá Naka tọn mẹ."

E kanbiọ dọ, vlavo mẹfintọ lọ lẹ ko ylọ hẹnnumẹ mẹhe yin finfin lọ lẹ tọn, azinponọ dọ mọwẹ, "mẹfintọ lọ lẹ biọ naira fọtọ́n 200 sọn hẹnnumẹ ponọ tọn lẹ si bo biọ naira livi 1 sọn hẹnnumẹ yọnnu lọ tọn lẹ si podọ naira fọtọ́n 500 sọn mẹdopo he po si."

Ponọ-gán hodọdopọ azọ́nwhé ayimatẹn lọ tọn, Catherine Anene, dọmọ, emi ma ko mọ linlin mọnkọ gbá.

Asisa lẹ

John Charles. "Benue kidnappers abduct three, demand N1.7m ransom"—Punch. June 15, 2023 John Gabriel. "Bandits kidnap 3, demand N1.7m ransom in Benue"—Daily Post. June 15, 2023