Liverpool hẹn Arsenal ganúganú to agbàwhinwlẹn nado mọ ale Premier League tọn yi

Sọn Wikilinlin

Azangaagbe, Lidosun 12, 2023

Arsenal gọ jẹ ozẹn podo agó 2-2 po sọta Liverpool to Sẹgbe to whenuena yé ko jẹ nukọn to agbàwhinwlẹn lọ mẹ to whẹwhẹ whenu dile yé na Manchester City dotẹnmẹ todido yọyọ tọn nado sọn hẹn ale Premier League tọn lọ dote.

Bọlu-hòtọ Mikel Arteta tọn lẹ yi agó (points) ṣidopo do to nukọna Man City to todohukanji lọ mẹ ṣigba bọlu-hògbẹ́ akonka ehe he to hihọ́basina alẹ yetọn ko tindo todido lọ todin nado sọ hẹn alẹ lọ dote do alọ yetọn mẹ.

Man City gbẹ tindo aihun dopo ehe yé na gbá sọta Gunners to bọlu-gbatẹn Etihad tọn mẹ to osun lọ mẹ.

Agó lẹ sọn Gabriel Martinelli podo Gabriel Jesus de po taidi nuhe na todido nukọn yíyí awhàngbigba ṣiantọntọ debọdodego tọn na Arsenal.

Ṣigba Mohamed Salah fli agó dopo lẹkọ whẹpo adà tintan aihun lọ tọn do wa vivọnu nado fọ́n zohúnhún Liverpool tọn na kọlilẹwa yetọn na adà awetọ.

Salah gú dotẹnmẹ penalty tọn to adà awetọ aihun lọ tọn whenu whẹpo Roberto Firmino do dó agó podo ota po nado jẹ ozẹn to nukunwhiwhe atọ̀ntọ ehe aihun lọ na wa vivọnu mẹ.

Omẹ Jurgen Klopp tọn lẹ gú dotẹnmẹ susu lẹ nado gbawhàn dile bọlu wletọ Arsenal tọn Aaron Ramsdale hẹn diun dọ emi basi hihọ́na agó (point) dopo na adà etọn.

Asisa lẹ[jlado | jla asisado]


Gọẹ yi sọn "https://guw.wikinews.org/w/index.php?title=Liverpool_hẹn_Arsenal_ganúganú_to_agbàwhinwlẹn_nado_mọ_ale_Premier_League_tọn_yi&oldid=8766"