Liverpool hò Man United 7-0

Tẹnigbe, Whejisun 6, 2023

Bọlu-hògbẹ́ lọ do nugopipe yetọn hia dile Mohammed Salah lẹzun mẹhe tindo agó he suhugan na ogbẹ́ tọn to Premier League mẹ dile yé duto Manchester United ji podo agó 7-0 po to Bọlugbatẹn Anfield tọn.

Mohamed Salah wẹ jẹnukọn gbọn dido agó awe nado sọzẹn to agó mẹ hẹ Robbie Fowler he do agó 128 na Liverpool to Premier League mẹ.

Manchester United gbọawupo nado do agó to whenuena yé mọ dotẹnmẹ hundote etọn to bẹjẹeji aihun lọ tọn whenu dile Bruno Fernandes podo Marcus Rashford po hẹn dotẹnmẹ hundote agó dagbe tọn lẹ bu. Liverpool dugan do aihun lọ ji to nukunwhiwhe 43tọ mẹ to whenuena Gakpo do agó podo alọgọ sọn Andrew Robertson de.

Liverpool lẹ zindonukọn to adà awetọ aihun lọ tọn mẹ dile Darwin Nunez do agó podo ota po sọta Degea to nukunwhiwhe awetọ adà awetọ aihun lọ tọn mẹ nado yidogọna nukọnyiyi yetọn.

Salah du ale bọlu tọn sọta Lisandro Martinez nado basi alọgọ na Gakpo he do agó awetọ.

Mohamed Salah lọsu do agó awetọ nado lẹzun mẹhe tindo agó he suhugan na Liverpool to Premier League mẹ podo agó 129 po nado zẹ Robbie Fowler go.

Roberto Firmino he ko basi nulila nado tlọn Anfield to vivọnu owhe ehe tọn do agó godo dagbe tadona tọn nado do apa daho Manchester United he tin to anademẹ Erik ten Hag glọ.

Asisa lẹ

• Adegboyega Adeleye. "Liverpool annihilate shambolic Man United 7-0". — Vanguard. March 5, 2023
• David Ben. "As it happened: Liverpool annihilate Manchester United 7-0 in the Premier League". — Pulse Sports. March 5, 2023