Lionel Messi he yin bọlu-hòtọ nukundeji Argentina podo PSG tọn po mọ ajọ̀ sunnu bọlu-hòtọ FiFA he yọn hugan tọn yí

Azangaagbe, Whejisun 1, 2023

Lionel Messi (2018)

Bọlu-hòtọ nukọntọn na Argentina podo Paris St-Germain po Lionel Messi ko yin nina ajọ̀ sunnu bọlu-hòtọ he yọn hugan tọn to 2022 Best FIFA Awards.

Bọlu-hòtọ owhe 35 mẹvi lọ hò bọlu-hòtọ nukọntọn Flansinu Kylian Mbappe podo Karim Benzema po nado mọ ale lọ yi.

Messi yin nukọntọn bọlu-hòtọ Argentina tọn to bọlu-hihò lẹdo aihọnpe mẹ to Qatar bosọ do agó 27 to agbàwhinwlẹn 49 mẹ na ogbẹ́ podo otògbo etọn po to 2021 jẹ 2022.

Bọlu-hòtọ Barcelona tọn Alexia Putellas wẹ yin nina ajọ̀ bọlu-hòtọ yọnnu he yọn hugan to owhe lọ mẹ.

Messi he ko mọ ale lọ yi whla awetọ dọdọ “E yin homẹhunnu de. E yin owhe jiawu de podọ e yin gigo de na mi nado tin file nado mọ ajọ̀ ehe yi. N'ma na ko tin to file ni e ma yin na bọlu-hògbẹ́ ṣie tọn wutu.

“N'ko mọ yanwle ehe sin todido nko tindo na ojlẹ dindẹn die gbọn. Omẹ pẹvide wẹ sọgan mọ ẹn yi ṣigba n'jẹ kosọ nado wa mọ”.

Asisa lẹ

• "Lionel Messi: Argentina, PSG star wins Best Fifa Men’s Player award". — Vanguard. February 28, 2023
• "Lionel Messi beats Kylian Mbappe, Karim Benzema to Best FIFA Men's Player award". — ESPN. February 27, 2023