Kane do agó 200tọ etọn to Premier League mẹ dile Tottenham duto Man City ji

Tẹnigbe, Afínplọsun 6, 2023

Harry Kane ko do agó 200 to Premier League mẹ na bọlu-hògbẹ́ Tottenham Hotspur to agbàwhinwlẹn de mẹ he fó podo agó 1-0 po sọta bọlu-hògbẹ́ akonka he yin Man City.

Kane do agó to whenuena Pierre-Emile Hojberg du ale bọlu tọn sọta Rodri nado basi alọgọ na Kane ehe zọn bọ e do dó agó 17tọ to owhe ehe mẹ.

Bọlu-hògbẹ́ he tin to whegbe fó aihun lọ podo omẹ ao po to whenuena Christian Romero yi kati vẹvẹ.

Podọ agó dopo gee Kane tọn to agbàwhinwlẹn lọ mẹ wẹ yin agó 267tọ na ogbẹ́ Spurs tọn ehe zọn bọ e do lẹzun mẹhe tindo agó he suhugan na bọlu-hògbẹ́ lọ.

Kane ko lẹzun bọlu-hòtọ atọ̀ntọ he ko do agó 200 to Premier League mẹ to aihun 416 ehe e ko tindo mahẹ te mẹ sọn whenue gbọn e bẹ bọlu-hihò jẹeji na North London lẹ to gblagbla owhe 2012 podo 2013 po mẹ.

To alọ devo mẹ, wezun hinhọn Manchester City tọn ko yin bibẹpla dile ye to tintẹnpọn nado de agó (points) he tin to ṣẹnṣẹn yetọn podo Arsenal tọn po do agó (points) awe.

Asisa lẹ

• Kane scores 200th PL goal as Tottenham beat Man City". — Vanguard. February 5, 2023