KEDCO gblewhẹdo miyọn letliki tọn he ma pemẹnu sọn miyọn togbo lọ tọn go

Sibigbe, Lidosun 1, 2023

Azọ́nwhé he nọ penukundo to miyọn letliki tọn go to Kano yedọ Kano Electricity Distribution Company ko vẹ tovi he to fihe azọnyiwatọ yetọn lẹ te to lẹdo Kano tọn lẹ, Katsina po ayimatẹn Jigawa tọn po mẹ lẹ dọ ye ni ma gblehomẹ gando lehe whẹho miyọn letliki tọn to yíyí do to lẹdo yetọn mẹ go, bo sọ yí dogọ dọ emi ko to nuhe go emi pe lẹpo wa nado hẹn miyọn pọnte dogọ to lẹdo ehelẹ mẹ.

Azinponọ na Azọ́nwhé lọ, Abubakar Yusuf, wẹ dọho helẹ to hodọdopọ dé mẹ hẹ linlinzọnwatọ lẹ to tatọ-tẹnnọ azọ́nwhé lọ tọn to Kano to Azangaagbe.

E dọ dọ azọnwhe he nọ penukundo miyọn letliki tọn go to Kano, (KEDCO) mọnukunnujẹ lehe tovi lẹ to miyọn-ya ji do to lẹdo lọ mẹ titengbe to ojlẹ onubibla tọn ehe mẹ yedọ ojlẹ Ramada tọn.

E dọ dọ nue dọ̀n nuhahun lọ wẹ yin miyọ́n lẹtliki tọn he depo to miyọ́nkan daho otò tọn ji, gọna transformer he gblé lẹ po nuhahun devo lẹ po.

E sọ dọ dọ nuhahun ehelẹ ko sisẹ́ azọ́nwhe lọ nado gbọ bo je miyọ́n ze sọyi ji nado penugo bo má lẹtliki na mẹlẹpo de e gán yọnbasi dọ.

Dawe lọ sọ dọ dọ azọ́nwhe ko sọ ze afọdide delẹ nado sọgan hẹn ninọmẹ lọ pọnte dogọ, enẹ wẹ transformer he gblé lẹ jijlado nado sọgan yidogọna miyọ́n lẹtliki tọn mímape.

E dọ dọ azọ́nwhe lọ ko jla transformer susu do bọ yé ko jẹ azọ́nwa ji bo ko sọ hẹn miyọ́n lẹtliki tọn pọnte dogọ to Ayimatẹn Kano, Katsina po Jigawa po tọn mẹ todin.

Asisa lẹ

• Tukur Muntari. "KEDCO blames power outage on poor supply from national grid". — Punch. March 29, 2023

• Abdulmumin Murtala. "Persistent power outage in Kano blamed on national grid". — Vanguard. March 30, 2023