Kẹkẹkuntọ he jẹ̀mà lẹ hù ponọ dopo bosọ gbleawuna Ponọ-gán

Yọnnuzangbe, Lidosun 6, 2023

Mí sè dọ ponọ de yin hùhù to Azangaagbe gbọn kẹkẹkuntọ he jẹ̀mà lẹ dali whenue ye to gufọn gando osẹ́n he yin dido na kẹkẹkuntọ lẹ ma na do wazọ́n gbọn lẹdo Cele-Ijesha tọn to ayimatẹn Awọnlin tọn mẹ.

Linlinhọsa Punch tọn dohia dọ to avùn lọ whenu kẹkẹkuntọ lọ lẹ gbleawu Ponọ-gán he yè dọdọ e tin po hagbẹ ponọ etọn lẹ po nado mọ dọ osẹ́ndoai lọ yin hihodo to agbegbe lọ mẹ.

To osẹ́ndoai lọ hinhẹndi whenu to gan widopo Afọnnu tọn mẹ to Azangaagbe, e yin didọ dọ ponọ lẹ hẹn kẹkẹkuntọ de he to azọ́nwa to ali Mile 2-Cele tọn ji dote podọ dile yé tẹnpọ́n nado yí kẹkẹ lọ sọn e si, kekenọ lọ gbẹ bọ kẹkẹkuntọ he tin to flẹn lẹ bo mọ nujijọ lọ dá do whẹho lọ mẹ nado yí avunlọna hagbẹ yetọn, ehe wẹ hẹn yé po ponọ lẹ po sọta yede lẹ.

Kunnudetọ de he ma jlo na do ede hia dọna linlin-kàntọ lẹ dọ dopo to ponọ lọ lẹ mẹ jlo na zan osò etọn do dobuna kẹkẹkuntọ lọ po hagbẹ etọn lẹ po, ṣigba kẹkẹkuntọ lọ lẹ ṣiọn e ji bo sọ hù. Kunnudetọ devo he ylọ ede dọ Dehinde, dọdọ ponọ lọ lẹ họ̀n sọn nujijọ lọ tẹnmẹ whenuena yé mọ dọ hagbẹ yetọn dopo ko yin hùhù godo.

Whenuena hoyidọtọ ponọ lẹ tọn ayimatẹn lọ tọn SP Benjamin Hundeyin to hodọ gando nujijọ lọ go, e dọdọ omẹ awe he go yé vẹnudo ko yin wiwle podọ kẹkẹ 41 wẹ yin bibẹ.

Asisa lẹ

• Dayo Oyewo." Okada riders on the rampage kill cop, injure DPO". — Punch. April 6, 2023
• Oluyemi Ogunseyin." police-confirm-inspectors-death-arrest-of-two-suspects-at-cele-bus-stop-clash/ Police confirm inspector’s death, arrest of two suspects at Cele bus-stop clash". — Guardian. April 6, 2023