Jota hẹn vivẹnudido Spurs tọn nado lẹkọ sọn gúgú mẹ gble dile Liverpool duto yé ji to agbàwhinwhlẹn he fó podo agó ṣinawe po

Oguzangbe, Nuwhàsun 2, 2023

Liverpool hẹn todido pẹvide he po na yé do ogbẹ nado fó do otẹn ẹnẹtọ to Premier League mẹ dile agó ogàngodo Diogo Jota tọn hẹn vivẹnudido Tottenham tọn nado lẹkọ sọn gúgú agó atọ̀n mẹ gble dile agbàwhinwlẹn lọ fó podo agó 4-3 po to Sẹgbe.

Jota do agó awhàngbigba tọn to nukunwhiwhe pẹvide ehe Richarlison do agó podo ota po na Tottenham godo nado jẹ ozẹn to ogàngodo to bọlu-gbatẹn Anfield tọn mẹ.

Curtis Jones wẹ ze Liverpool do nukọn whẹpo Luiz Diaz he tindo mahẹ to aihun lọ mẹ na wla tintan sọn Kọ́yànsun gbọn ehe e ko yin awugblena do agó awetọ to nukunwhiwhe atọ́ntọ aihun lọ tọn mẹ to Anfield.

Agó penalty ehe Mohamed Salah do sọ dlẹnkana gandudu Liverpool tọn do aihun lọ ji whẹpo Harry Kane do fli agó dopo lẹkọ nado tindo agó 208tọ etọn to Premier League mẹ.

Bọlu-hòtọ nukọntọn na Tottenham ko tindo kàndai agó Wayne Rooney tọn to Premier League mẹ nado lẹzun omẹ awetọ he tindo agó he suhugan to godo na Alan Shearer.

Agó Kane tọn yin hihopodona gbọn agó ogàngodo tọn sọn Son Heung-min podo Richarlison po nado hẹn aihun lọ wa vivọnu.

Asisa lẹ

• "Jota ruins Spurs fightback as Liverpool win seven-goal thriller".– Vanguard. April 30, 2023
• Andy Hunter. "Diogo Jota wins thriller for Liverpool after Spurs’ rousing late comeback".– The Guardian. April 30, 2023