Jaguda lẹ fín omẹ atọ̀n ze to Niger

Yọnnuzagbe, Whejisun 9, 2023

To Azangaagbe, jaguda lẹ fìn omẹ atọ̀n delẹ he wá sọn Beji to Lẹdo Gandudu Dokọ̀ tọn Bosso tọn mẹ to ayimatẹn Niger tọn mẹ zé.

Abdullahi Aminu, dawe de he nọ nọ̀ lẹdo lọ mẹ dọhó hẹ linlinnamẹtọ mítọn de, e dọ dọ jaguda lọ lẹ biọ kọ́ lọ mẹ to ogàn dopo mẹ to zánhomẹ bo jẹ osò de pe ji.

"Amlọndọ wẹ mí te bo jẹ osò-gbè se ji bọ mẹlẹ jẹ wezun họ̀n biọ gbémẹ ji.

E dọmọ, "Jaguda lọ lẹ biọ gbétato lọ mẹ bo jẹ osò de ji madoalọte na hugan ganhiho awè".

Aminu dọ dọ yé wlé nawe de po viyọnnu etọn awè po sọn owhé yetọn gbe bọ medepope ma ko yọn fie yé bẹ́ yé sọyi.

E sọ dọ dogọ dọ whẹndo nawe lọ tọn lẹ ma ko sè ohó depope sọn jaguda lọ lẹ de gando nue yé na yí bo do jó yé go, e sọ yidogọ dọ e taidi dọ mẹfinfinze lọ gando ogú amìdonu tọn de he tin to Beji go.

Hoyidọ ponọ̀ ayimatẹn Niger tọn lẹ tọn, Wasiu Abiodun, dohia dọ nugbo wẹ linlin lọ yin, bo dọ dọ nujijọ lọ wá aimẹ to ogàn dopo daa mẹ to Azangaagbe, bosọ yidogọ dọ ponọ̀ azọ́nyọnẹntọ lẹ ko yin didohlan nado yì whlẹn yé.

Asisa lẹ

• Aisha Wakaso. "Bandits abduct three persons in Niger". — Punch. March 8, 2023
• "Gunmen Kidnap Three Persons In Niger State". — Channels TV. March 8, 2023