Jọja lẹ fọngu na hihọ-basinamẹtọ delẹ dèso do dawe Anambra-nu de bọ e kú wutu

Sọn Wikilinlin

Sibigbe, Whejisun 18, 2023

Dawe de he mí ma ko yọn yinkọ etọn de ko yin sòdedo-hù gbọn hihọ-basinamẹtọ delẹ dali to lẹdo Ogidi tọn mẹ, to lẹdo gandudu dokọ̀tọn Idemili North tọn mẹ, to Anambra.

To whenue mẹdelẹ to lẹdo lọ mẹ sawhẹdokọna zanṣọ́tọ de dọ ewọ wẹ na ko desò do matintọ lọ bọ e do kú, mẹdevo delẹ to lẹdo lọ mẹ dọdọ azọ́nwatọ ponọ DSS (Department of States Services) tọn de wẹ yìn osò he hù dawe lọ.

Linlin lẹ dohia dọ dawe lọ to owhé etọn gbe, bo to awuwle nado yin pọ́n asi etọn he ṣẹṣẹ jivi to whenue mẹde, he yé ylọ dọ China, he to yinyin yinyàn gbọn nuhọtọ delẹ dali, họ̀n biọ ohọ̀ etọn mẹ.

Nado mọ dọ yé wle mẹhe yàn yé te, e yin didọ dọ dopo to nuhọtọ lọ lẹ mẹ jẹ sòde lẹdopé ji podọ sòpẹ́n wá yì jẹ matintọ lọ go to ajiji mẹ.

Kunnudetọ de he mọ nujijọ lọ dọdọ, to enẹgodo nujijọ lọ zọn bọ gufinfọn de wá aimẹ to lẹdo lọ mẹ podọ jọja he to lẹdo lọ mẹ lẹ ze oṣiọ lọ yì ahọluwhé nado dohia dọ nujijọ lọ vẹna yé taun.

Gufọntọ lọ lẹ sọ sú ali he biọ ahọluwhé lẹdo lọ tọn po oṣiọ dawe lọ tọn po dile yé kudeji dọ emi dona mọ azinponọ lẹdo gandudu dokọ̀ tọn yetọn ṣigba awhànzọ́nwatọ lẹ ma dike yé biọ ahọluwhé lọ.

Asisa nudọnamẹ tọn de dọdọ, "Dawe homẹvọnọ de yin sòdedo-hù gbọn azọnwatọ DSS tọn delẹ dali to afọnnu ehe. Ponọ lọ lẹ to dìndìn dẹpẹ he to ogbẹ́ ylankan mẹ de he họ̀n biọ owhé matintọ lọ tọn gbe. Dawe lọ ṣẹṣẹ fọ́n wẹ podọ yé to awuwle nado hodẹ̀, ṣigba e biọgbè nado yì húadọ to kọho, podọ nuhe bọdego wẹ ogbè osò de tọn."

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Jọja_lẹ_fọngu_na_hihọ-basinamẹtọ_delẹ_dèso_do_dawe_Anambra-nu_de_bọ_e_kú_wutu&oldid=17553"