Jọja he to adiji lẹ domiọ́n omẹ awe he go yè vẹnudo dọ yé yin ajotọ to Ibadan

Oguzangbe, Nuwhàsun 10, 2023

To Oguzangbe, omẹ awe he go yè vẹnudo dọ yé yin ajotọ wẹ yin zannu dlan do hù bosọ yin didomiọn to lẹdo Popoyemoja, huwaji whèzẹtẹn Ibadan tọn to ayimatẹn Oyo tọn mẹ.

Linlin-kàntọ he yì dla nujijọ lọ tẹnmẹ pọ́n sè dọ mẹhe go yè vẹnudo lọ lẹ yin hùhù whenuena yé gbì alokan de yí sọn mẹhe juwajei de si godo to nudi gàn 6:30 afọnnu tọn mẹ.

Dodinnanu he linlin-họsa Punch tọn basi dohia dọ omẹ atọ̀n he go yè vẹnudo wẹ hùwhẹ lọ ṣigba mẹdopo họ̀ngán.

Kunnudetọ de, Dimeji Ogunesan, dọdọ mẹhe go yè vẹnudo lọ lẹ wẹ nọ godonọna ajò susu he yin jijẹ to lẹdo Akuro, Iyana Lodge, Sharp Corner, Odion, Popoyemoja po fidevo lẹ po to tohomẹ Ibadan tọn whẹpo alọ do jẹ yé go.

E dọdọ, "Yé ko jẹ ajò lọ po, bọ e sọ yin didọ dọ jọja lẹdo mẹ tọn lẹ ko dómọna yé whenuena mẹhe do alokan lọ ko dawa na alọgọ godo. Enẹgodo, yé sọ yi jẹ ajò to fidevo.

"E yin didọ dọ ajotọ ko wa danu de jẹnukọn whenue yé desò do kẹkẹkuntọ de bo sọ yi kẹkẹ etọn to lẹdo Ososanmi tọn to Ibadan bọ enẹgodo yé họ̀nyi Akuro fie yé sọ wadanu devo te.

"Jọja lọ lẹ dómọna yé bọ to godo mẹ alọ jẹ yé go. E yin didọ dọ dopo to ajotọ lọ lẹ mẹ họ̀ngán dile omẹ awe he po lẹ yin wiwle. Yé tọ́navun yé po zannu po avùnhonu devo lẹ po whẹpo yé do domiọ́n yé do osindò Ogunpa tọn mẹ. Osò po ohí he yé yizan do wa danu lọ lẹ po kẹkẹ he yé fìn lọ po wẹ gbẹtọgun lọ lẹ hẹngble.

Asisa lẹ

• Ademola Adegbite." Irate Ibadan youths set two robbery suspects ablaze". — Punch. May 10, 2023
• Soji Ajibola and Rukiyat Ogun wade."Two suspected armed robbers burnt to death in Ibadan". —Tribune Online. May 9, 2023