Jọja de to Abuja ko yin wiwle na e hù otọ́ etọn to avùnlọyina onọ̀ etọn whenu

Tẹnigbe, Nuwhàsun 8, 2023

Ponọ Abuja tọn lẹ ko wle visunnu owhe 16 mẹvi de, Emmanuel John na e hù otọ́ etọn wutu.

Dodinnanu he linlin-kàntọ lẹ basi dohia dọ Emmanuel he tlọn gbetato Madala tọn to Karshi, Abuja, to Oguzangbe azan 2tọ́ Nuwhàsun to nudi gàn 10 mẹ to zanmẹ, hù otọ́ etọn po odóvi de po to avùn de whenu to matintọ lọ po onọ̀ etọn po ṣẹnṣẹn.

Ponọ lẹ dọdọ whẹho mẹhuhu tọn lọ yin hinhẹnwa ponọpa Karshi tọn gbọn sunnu de, Yusuf Ayuba he tlọn Madala dali, to Azangaagbe azan 3tọ́ Nuwhàsun tọn.

To alọnu Emmanuel tin to họnsudo to ponọ-pamẹ. Sọgbe hẹ nuhe Ponọ-gán Abuja tọn Haruna Garba dọ to hodidọ de whenu to Ahọluzangbe, mẹhe go ye vẹnudo lọ lì odóvi lọ po huhlọn po do ota na otọ́ etọn

Garba dọdọ, "Nulọ bẹjẹeji whenuena mẹhe go ye vẹnudo lọ sin onọ̀ po otọ́ po to avùn họ̀. To avùnlọyina onọ̀ etọn whenu, visunnu lọ ze odóvi bo lì ota na otọ́ etọn ehe dekọtọ́n do okú na otọ́ lọ.

"Mẹhe go ye vẹnudo lọ na yín zize yi whẹdọhọsa jọja aflanmẹ lẹ tọn whenuena dodinnanu lẹpo ko yin bibasi po godo".

Asisa lẹ

• Abiodun Sanusi." Abuja teenager arrested for killing father in mother’s defence". — Punch. May 5, 2023
• Abubakar Sadiq Isah." Boy Killed Dad With Pestle In Abuja". — Daily Trust. May 8, 2023