INEC lá Tinubu di mẹhe ko mọ vòbibla togán tọn to 2023 yí

Azangaagbe, Whejisun 1, 2023

noicon

Hoyido-kanji ehe yin bibasi sọn vọjlado nukinkan tọn mẹ he yin bibasi to 01-03-2023, enẹwutu e ma sọgan dó vọjlado dìn tọn hia todin.

Wikilinlin-hihia

Azinponọ ogbẹ́ Independent National Electoral Commission (INEC) tọn, Weyọnẹntọ Mahmood Yakubu ko lá vobibla-yitọ tonudọgbẹ́ All Progressives Congress (APC) tọn, Bola Ahmed Tinubu di mẹhe duto vòbibla togán tọn 2023 tọn ji.

Azinponọ ogbẹ́ INEC tọn lọ yí hogbe ehelẹ zan to Azangaagbe to fihe yé nọ bẹ ovò lẹ plidopọ te yèdọ National Collation Centre, to Abuja.

Tinubu duto omẹ 17 ji to mẹhe jlo na yin togán Naijilia tọn devo lẹ mẹ. E duto vòbibla lọ ji na omẹ 8,794,726 blavo na ẹn.

Atiku Abubakar mẹhe jlo na yin togán Naijilia tọn to tònudọgbẹ́ Peoples Democratic Party (PDP) tọn glọ yì otẹn awetọ na omẹ 6,984,520 blavo na ẹn.

Peter Obi mẹhe jlo na yin togán Naijilia tọn to tònudọgbẹ́ Labour Party (LP) tọn glọ yì otẹn atọ̀ntọ na omẹ 6,101,533 blavo na ẹn.

Rabiu Kwankwaso mẹhe jlo na yin togán Naijilia tọn to tònudọgbẹ́ New Nigeria Peoples Party (NNPP) tọn glọ yì otẹn ẹnẹtọ na omẹ 1,496,687 blavo na ẹn.

Asisa lẹ

Idowu Bankole. "INEC declares Tinubu winner of 2023 presidential election". — Vanguard. March 1, 2023
Qosim Suleiman. "INEC declares APC’s Bola Tinubu winner of Nigeria’s presidential election". — Premium Times. March 1, 2023