Hunkuntọ sọ́nu ahisinọ etọn bọ e kú na whẹho húnkuẹ tọn wutu

Ahọluzangbe, Whejisun 3, 2023

Hunkuntọ dé, Emeka Sunday, ko yin wiwle gbọn Ponọ ayimatẹn Awọnlin tọn lẹ dali na e yí gogbigba dó sọ ahisinọ he e zé yèdọ; Michael Ajibola, bọ e kú whenue yé dọnnu gando hunkuẹ ji to ayimatẹn lọ mẹ.

Linlin lẹ dohia dọ Sunday bẹ ahisinọ lẹ he Ajibola yin dopo to yé mẹ sọn Sango Ota jei Oshodi ṣigba whenuena yé jẹ hunglintẹn Airport Road tọn, e dọ mẹhe po to húnmẹ lẹ ni jẹte bo sọ dopà dọ emi na sú húnkuẹ yetọn ni yé biọ ohún devo mẹ nado zé yé jẹ Oshodi.

Ohó lọ diọ adà devo whenue e ko yí N500 to ahisinọ lọ lẹ si nado ze yé jẹ Oshodi godo, e dọ emi na gọ̀ N100 jó na yé nado dohún devo sọn Airport Road jẹ Oshodi. E yin didọ dọ ahisinọ lọ lẹ ma yigbe na nuhe Sunday dọ na gbejizọnlin he po do jẹ Oshodi hugan akuẹ he e dọ emi na gọ́ jo na yé.

Ehe biọ nudindọn to Sunday po ahisinọ etọn lẹ po ṣẹnṣẹn bọ to nudindọn lọ whenu hunkuntọ lọ po Ajibola jẹ avùnho ji. Ehe mẹ wẹ Sunday gbà ogò de bo sọ́ Ajibola bọ e jai bo sọ kú.

Asisa lẹ

• Naomi Chima. "Driver stabs passenger to death over transport fare". — Punch. March 2, 2023
• "Driver Stabs Passenger To Death Over Transport Fare". — Opera News. March 2, 2023