Hunkuntọ de mọ ede to dotowhe whenue e ko gbá nọvi-nọvi awe bọ yé sọ kú godo

Ahọluzangbe, Whejisun 17, 2023

Nawe de he to mọto SUV tọn de kùn ko yì gbá nọvi-nọvi awè delẹ, Abibu Bello, 17 po nọvi sunnu etọn Bolaji 14, po bosọ gbleawu na omẹ dopo devo to aliklan Iyewa to lẹdo Isolo tọn to ayimatẹn Awọnlin tọn mẹ.

E yin didọ dọ hunkuntọ lọ he yin yọnnu tlọn fihe e yì bla oda te to agbegbe lọ mẹ bosọ kunhún jeyi fide to lẹdo lọ mẹ bọ to ajijimẹ e ma penugo nado deanana ohún lọ ba bo gbọnmọ dali biọ ohọ̀ de mẹ fie nọvi-nọvi awe lọ lẹ to aihunda te.

Mẹde he nọ nọ filọ he ma jlo na dọ yinkọ etọn, dọdọ ovi lọ lẹ yin ovi tonudọtọ de tọn to lẹdo lọ mẹ. E dohia dọ, asidan lọ jọ to nudi ogàn Ṣianwe lan nukunwhiwhe kande to whejayi. E dọ ohún lọ dli biọ ṣọvu pẹvi de mẹ jẹnukọn whẹpodo biọ ohọ̀ lọ mẹ. Omẹ awe to ovi atọ̀n lọ lẹ mẹ kú to afọdopolọji. Otọ́ yetọn yin tonudọtọ de he diyín to lẹdo lọ mẹ. Omẹ atọ̀ntọ́ lọ yin ovi kọmẹnu lọ tọn. Afọ etọn awe lẹ wẹ́n bọ yé sọ to nukunpedego to dotowhe daho Isolo tọn.

Hoyidọtọ Ponọ lẹ tọn ayimatẹn lọ tọn SP Benjamin Hundeyin dọdọ nugbo wẹ dọ nujijọ lọ wa aimẹ. "omẹ atọ̀n wẹ dukosọna nujijọ ylankan lọ. Omẹ awe kú bọ omẹ dopo he po lọ gbleawu. Mẹhe kunhún lọ tin to dotowhe bo to yínyín nukunpedego.

Asisa lẹ

• "Driver hospitalised after crushing two siblings dead". — Punch. March 16, 2023
• Damilare Famuyiwa. "Lady hospitalised after crushing siblings to d*ath in Lagos". — Pulse. March 16, 2023