Haaland do agó 45tọ etọn dile Man City duto Bayern ji

Yọnnuzangbe, Lidosun 13, 2023

Erling Haaland do agó 45tọ etọn to owhe ehe mẹ dile Manchester City hò Bayern Munich agó 3-0 to agbàwhinwlẹn tintan whenu to adà bọlu-hògbẹ́ ṣiantọn he gbọngodo lẹ tọn to Champions League mẹ to Oguzangbe.

Rodri podo Bernardo Silva po lọsu tin to ozo ji na bọlu-hògbẹ́ akonka Premier League tọn dile yé gbawhàn bọlu-hògbẹ́ akonka Europe tọn na whla tintan tọn.

Anademẹtọ Bayern tọn Thomas Tuchel yọn Guardiola ganji to whenuena e gbẹ to anadena Chelsea to agbàwhinwlẹn godo tọn mẹ to 2021.

Ṣigba to agbàwhinwlẹn 11 to anademẹtọ lọ lẹ ṣẹnṣẹn Guardiola gú whla atọ̀n kẹdẹ bo gbawhàn nuwhlẹntọ Germany-nu lọ to agbàwhinwlẹn sinsinyẹn de whenu nado mọ ale yi.

Bayern tindo nuhudo nado gbawhàn dile yé nọ wa do to Champions League mẹ to azán ṣiantọn whenu nado glọnalina Man City nado jẹ adà bọlu-hògbẹ́ ẹnẹ he gbọngodo lẹ tọn na whla atọ̀ntọ debọdodego.

Asisa lẹ

• "Haaland hits 45 goals as Man City demolish Bayern".– Punch. April 11, 2023
• Jackson Cole. "Erling Haaland beats Mohamed Salah and Manchester United legend’s record with another Champions League goal".– Talk Sport. April 12, 2023