Họ̀hayatọ delẹ họ̀n po ovi awe kọmẹnu yetọn tọn po to Abuja
Ahọluzangbe, Ayidosun 2, 2023
Mẹhe nọ nọ̀ lẹdo Bako tọn mẹ lẹ, to lẹdo gandudu dokọ̀ tọn Kwali tọn mẹ to Abuja lẹ ma ko vo sọn ayiha mẹ sọn whenue nọvi-nọvi awe bú to lẹdo lọ mẹ to Azangaagbe.
Linlin lẹ dohia dọ yọnnu awe delẹ, he yin hayahọ̀ yọyọ to lẹdo lọ mẹ to agọe lẹ, họ̀nyi po ovi kọmẹnu yetọn tọn delẹ po, yèdọ viyọnnu owhe atọ́n-mẹvi de po visunnu owhe awe-mẹvi de po.
Nujijọ lọ ko dọ̀n lẹdo lọ blebu biọ bẹwlu mẹ dile mẹjitọ ovi lọ lẹ tọn he ko jẹflumẹ lẹ to nuhe go yé pe lẹpo wà nado dín nawe he họ̀nyi lọ lẹ bo gọ̀ ovi yetọn lẹ mọyì.
Vivẹnudido yetọn lẹ ma ko tindo kọdetọn dagbe depope to ojlẹ he mẹ linlin ehe to yinyin awuwlena to Yọnnuzangbe.
Sọgbe hẹ nudọnamẹ he mí mọyì lẹ, nuhahun lọ bẹjẹeji to whenue Marwan he yin owhe awe-mẹvi lọ jẹ avivi ji to whenue onọ̀ etọn to dẹ̀ho.
Linlin lẹ dohia dọ dopo to họ̀hayatọ yọyọ lọ lẹ mẹ he nọ yin Godiya basi taidi dọ emi ma jlo dọ Marwan ni dotukla onọ̀ etọn he to dẹ̀ho lọ, bo ze ovi pẹvi lọ.
To whenue ovi lọ ma dọalọte na avi, Godiya wá plan ewọ po mẹdaho etọn yọnnu he nọ yin Hauwa po bo dọdọ emi jlo na yì họ̀ akla na ovi lọ lẹ. E ma lẹkọ wá ba.
Linlin lẹ dohia dọ to whenue onọ̀ lọ ko wá hòdẹ etọn fó, e yí sọwhiwhe do nọtepọn kọlilẹ họ̀hayatọ lọ po ovi lọ lẹ po tọn ṣigba e ma mọ yé.
To whenue e wá họnwun dọ teninọpọ́n yé ko to dindẹn hugan, nawe lọ wá biọ alọgọ kọmẹnu lẹ tọn.
Ewọ po kọmẹnu devo lẹ po dín yé gbọn lẹdo lọ blebu mẹ ṣigba ovi lọ lẹ po kọmẹnu yetọn yọyọ lọ po ma yin mimọ to fi depope.
Obu daho wẹ jẹ nawe lọ ji to whenue kọmẹnu he to homẹgble ji gando whẹho lọ go lẹ gbà ohọ̀n kọmẹnu yọyọ lọ lẹ tọn bo biọ ohọ̀ yetọn mẹ bo wá doayiego dọ e to ovọ́, he dohia dọdọ họ̀hayatọ yọyọ awe lọ lẹ ko to awuwle nado fìn ovi lọ lẹ dayi bo tlẹ ko bẹ agbàn yetọn lẹ sọn ohọ̀ lọ mẹ whẹpo do wá họ̀nyi po ovi lọ lẹ po.
Asisa lẹ
[jlado | jla asisado]- Solomon Odeniyi. "New tenants flee with neighbour’s two children in Abuja". — Punch. June 2, 2023
- Platform Times. "New Tenants Steal Neighbour’s Two Children In Abuja". — Platform Times. June 2, 2023