Họ̀hayatọ de to Awọnlin sọ́ ohí họntọn etọn jẹ kúdonu to nudindọn de whenu

Oguzangbe, Whejisun 28, 2023

Nawe de he nọ yin Annie Ofili yin whẹsadokọna dọ e sọ́ ohí họntọn etọn, Glory Okon, jẹ kúdonu to owhé etọn gbe to Greenville Estate, Badore, to lẹdo Ajah tọn mẹ to Awọnlin .

Linlin lẹ dohia dọ to azán he gbe nujijọ lọ jọ te, Okon yì bajonọ Ofili to owhé etọn gbe.

To whenue yé omẹ awe lẹ to hodọdopọ to owhe Ofili tọn gbe, nudindọn de fọ́n to ṣẹnṣẹn yetọn podọ nudindọn lọ wá sinyẹn bo lẹzun avùn.

E yin ayidego dọ, to nudindọn lọ whenu, Ofili ze ohí de sọn adohọsa etọn podọ mẹlẹ dọdọ e sọ́ họntọn etọn do okọ̀.

To whenue asisa nudọnamẹ lọ tọn de to hodọ gando ninọmẹ he mẹ nujijọ lọ wá aimẹ te he hẹn okú wá na Okon, e dọdọ mẹde ma yọn nuhe dọ̀n avùn lọ, e sọ yidogọ dọdọ yé se dọ yé omẹ awe lẹ to awhádo do yedelẹ ji, gbẹtọ lẹ wà nuhe go yé pe lẹpo nado hùn ohọ̀n lọ bo dá yé ṣigba ohọ̀n lọ ma hùn.

E wá dọdọ whetọ lọ po kọmẹnu devo delẹ po wá yí huhlọn do hùn ohọ̀n lọ, bo yidogọ dọdọ to whenue yé wá pego bo biọ ohọ̀ Ofili tọn mẹ, yé mọ dọ e ko sọ́ ohí Okon do okọ̀ po nẹgbe po.

Asisa nudọnamẹ tọn lọ dọdọ, "Mí se awhágbe yé omẹ awe lẹ tọn to ohọ̀ dopo to họ̀hayatọ lẹ tọn mẹ bo yawu họ̀nwezun jẹ finẹ. To whenue mí jẹ finẹ, mí mọ dọ ohọ̀n lọ to susu, mí hùn in po huhlọn po bo biọ ohọ̀ lọ mẹ po awuyiya po.

To ojlẹ he mẹ mí biọ ohọ̀ lọ mẹ, mí mọ Ofili to họntọn etọn ji po ohí de po to alọ mẹ, podọ ohùn to wiwayi sọn họntọn etọn go, ohi-pa sọ to nẹgbe po okọ̀ etọn po."

Asisa lẹ

• Damilare Famuyiwa. "Woman st*bs her friend to d*ath during an argument in Lagos" — Pulse Nigeria. March 28, 2023
• Naomi Chima. "Lagos tenant stabs friend to death during argument" — Punch. March 28, 2023