Hẹnnumẹ lẹ biọ whẹdida dodo gando oṣiọ glesi Ogun-nu tọn de he busẹ sọn mọgu
Tẹnigbe, Lidosun 17, 2023
Whẹndo Joel Omirenya he basi matintọ lọ tọn ko biọ bẹwlu mẹ dile oṣiọ etọn yin bibapo to mọgu dotowhé Sacred Heart tọn to Lantoro, Abeokuta to ayimatẹn Ogun tọn mẹ.
Linlinwe Punch Metro dọ dọ, Omirenya he yin glesi de jẹ azọ̀n bo yin zize yi dotowhé na nukunpedomẹgo.
To whenue e to dotowhé lọ na nukunpedomẹgo, ninọmẹ lọ diọ, enẹgodo, gbigbọ etọn ṣí bọ e wa yin zizedo mọgu dotowhé lọ tọn.
To hodidọ podo nukunmọnu mítọn po, visunnu Omirenya tọn, James, to whenue e to awubla mẹ na otọ́ etọn he basi matintọ wutu, e dọmọ, hagbẹ́ whẹndo emitọn tọn lẹ ko basi dide nado ze oṣiọ lọ sọyi oto yétọn mẹ he yin ayimatẹn Benue tọn, ṣigba, oṣiọ lọ ma yin mimọ to mọgu lọ ba mahopọnna lehe yè din do.
E dọmọ, to Afínplọsun 13, 2023, whenue otọ́ emitọn jẹ azọ̀n bo yin zize yi dotowhé Sacred Heart tọn, Lantoro to Abeokuta, e yin didote na nukunpedomẹgo. To osẹ dopo godo, e basi matintọ bọ mí basi dide nado zedo mọgu dotowhé lọ tọn. Mí na naira 25000 na yé nido penukundego.
"Yé dọna mí dọ, akuẹ he mí sú lọ, yé na yido penukudego na azán atọ́n bọ enẹgodo, mí na nọ sú naira 1000 egbesọegbesọ bọ mí sọ yigbe, mí sú akuẹ lọ bọ yé sọ na mí wema de nado nọ hẹnwa whedepopenu he mí jlo nado wa pọ́n oṣiọ lọ.
"To osẹ dopo godo, n'lẹkọyi nado pọ́n oṣiọ lọ bọ e sọ to finẹ. N'sọ yi finẹ to Whejisun 15 bọ e sọ to finẹ. Ṣigba to Ahọluzangbe, Whejisun 21, 2023, n'ylọ dopo to mẹhe to azọ́nwa to mọgu lọ, John Olaade dọ, mí ko wleawufo nado ze oṣiọ lọ sọyi oto mítọn mẹ to ayimatẹn Benue tọn podọ mí na hẹn avọ̀ etọn lẹ po nudevo lẹ he na yin yiyizan do sọ́nu na oṣiọ lọ to Sẹgbe na mí nido sọgan ze to Tẹnigbe sin afọnnu fuu.
James dọmọ, Olaade dọ dọ, emi ma to azọ́nmẹ to Sẹgbe, enẹwutu e biọ akuẹ nado wá mọgu lọ bo wa sọ́nu na oṣiọ lọ whẹpo nido jẹ Tẹnigbe.
James dọ dọ, "whenue yé jẹ mọgu lọ to Sẹgbe, e dọ mi dona sù ahọ́ he to aimẹ lẹpo. N'sọ sú akuẹ naira 51, 000, to whenue n'ko sú akuẹ lọ godo n'biọ nado mọ oṣiọ lọ whẹpo yé nido sọ́nu naẹn, enẹwutu e plan mí biọ mọgu lọ mẹ, ṣigba mí ma mọ otọ́ ṣie to fihe yé zedo.
"N'sọ kanse dọmọ, etẹwẹ jọ, yé din oṣiọ otọ́ ṣie tọn sọn ogan 4 whejai tọn kakajẹ ogan 7 whejai tọn mẹ, ṣigba yè ma mọ ẹn. Nuwiwa gando oṣiọ otọ́ ṣie tọn go ko bẹjẹeji to fihe e nọ nọ to Papa, Ewekoro to ayimatẹn Ogun tọn mẹ, mọdopolọ, mí ko sọ yi naira 140, 000 do haya mọto he na ze oṣiọ lọ yi otò mítọn mẹ.
James dọmọ, emi po tavẹ emitọn po ko ze Olaade do alọmẹ na ponọ lẹ to ponọpámẹ Adatan tọn bo lẹkọ yi whégbe nado dogbe na hagbẹ́ whẹndo lọ tọn he po lẹ gando ninọmẹ lọ go.
E basi zẹẹmẹ dọmọ, to dodinnanu lọ whenu, ponọ lẹ sọ wle hagbẹ́ Olaade tọn he po lẹ bo bẹ yé yi tatọtẹnnọ ponọ lẹ tọn to Eleweran to Abeokuta.
Asuṣiọsi lọ, Rhoda dọmọ, oṣiọ asu emitọn tọn dona yin mimọ.
E dọmọ, "N'dona mọ oṣiọ asu ṣie tọn. Sọn whenue gbọn n'yin jiji, ma biọ mọgu mẹ pọ́n, ṣigba na nuhe jọ wutu, n'to dandannu glọ nado biọ mọgu lọ mẹ bosọ to gigló oṣiọ he to mọgu lọ mẹ lẹ pọ́n nado mọ oṣiọ asu ṣie tọn, ṣigba ma mọ oṣiọ etọn."
Mẹhe yin anadenanutọ dotowhé lọ tọn, Peter Agiator ma dọhó depope to whenue e yin yiylọ gbọn alokan ji to Sẹgbe.
Ponọ-gán hodọdopọ azọ́nwhé tọn ayimatẹn lọ tọn, Abimbọla Oyeyemi hẹn diun dọ nujijọ lọ jọ nugbo bo dọmọ, dodinnanu to yiyi alọnu do whẹho lọ ji bo yidogọ dọmọ, omẹ ẹnẹ he yè vẹnudo ko yin wiwle.
Asisa lẹ[jlado | jla asisado]
- Deji Lambo. "Relatives demand justice as Ogun farmer’s corpse disappears from mortuary" —Punch. April 17, 2023
- James Ogunnaike. "Police arrest four over disappearance of corpse in Ogun mortuary" —Vanguard. April 17, 2023