Húnkuntọ Ogun-nu de gbleawuna onọ̀ po ovi awe po

Tẹnigbe, Nuwhàsun 8, 2023

Ohúnkuntọ he nọ kùn mọto Benz GLX 350 he ma ko yin yinyọnẹn gbleawu onọ̀ de po ovi etọn awe po to afọnnu fuu Sẹgbe, to Olororo Aiyegbemi, Sagamu Remo to ayimatẹn Ogun tọn mẹ.

Asidan lọ zọ́n bọ ovi dopo wẹ́n alọ etọn bọ mẹhe po lẹ gbleawu sinsinyẹn, ehe ko yin lilá to nọtẹn intẹnẹt Twitter tọn ji dọ húnkuntọ gbá zokẹkẹ lọ whenue Ponọ lẹ to yinyan ẹn.

Hodọdopọ podo linlin Punch Metro to Sẹgbe, Ponọ-gán hodọdopọ azọ́nwhé ayimatẹn lọ tọn, Oyeyemi Abimbola, to nujijọ lọ hinhẹn diun mẹ, e basi zẹẹmẹ whẹsadokọnamẹ lọ tọn taidi "Tolivivẹ".

E basi zẹẹmẹ dọmọ, húnkuntọ lọ he ko họ̀nyi bosọ jo ohún etọn do to nujijọ lọ godo, to hinhọ̀n to whenuena e sọ́ ohún Ponọ lẹ tọn he yin ginglin de.

Obu lọ dọ dọ emi na yin wiwle, Abimbola dọmọ, húnkuntọ lọ kunhún makiyananu gbọn aliho he ma jẹ ji bo gbọnmọ dali yi sọ́ kẹkẹkuntọ de he zé nawe de po ovi etọn lẹ po.

Abimbola dọmọ, "Dawe he sawhẹdokọna ponọ lẹ lọ yin tolivẹtọ. Yé nọ sinai bo nọ kan otan he yé ma mọdona de poun. Dawe he kun mọto lọ gbọn ali devo ji he ma jẹ bosọ yi sọ́ ohún ponọ lẹ tọn he to ginglin. Linlẹn etọn wẹ yindọ ponọ lẹ na yangbe emitọn. Enẹwutu, e jẹ húnkun ji to aliho he ma sọgbe mẹ bo gbọnmọ dali yi sọ́ kẹkẹkuntọ he bẹ onọ̀ po ovi awe po hẹn.

"Ogbẹ̀ ma yin hinhẹnbu to nujijọ lọ whenu. Yémẹpo we togbẹ̀. Yé sọ to nukunpedomẹgo mọyi ganji. Ponọ lẹ wẹ bẹ yé sọyi dotowhé Olabisi Onabanjo University Teaching Hospital tọn. Ovi pẹvi he onọ̀ lọ hẹn wén awà. Kẹkẹkuntọ lọ lọsu gbleawu pẹvide."

Asisa lẹ

• Uthman Salami. "Ogun driver injures mother, two children". — Punch. May 8, 2023
• Caleb Ijioma. "Auto crash claims the lives of mother and child in Ogun". — Within Nigeria. May 8, 2023