Húndotọ awe he yin finfin ko yin whiwhlẹn, mẹfintọ lẹ hẹn omẹ 10 dote

Sibigbe, Nuwhàsun 6, 2023

To Yọnnuzangbe, Ponọ ayimatẹn Edo tọn dọ dọ, yé ko whlẹn omẹ awe sọn omẹ wiawe he yin finfin to ayimatẹn lọ mẹ to agọe.

Ohúndotọ wiawe wẹ yin finfin dile eyin didọ do to Oguzangbe to aliho Afuze-Auchi tọn ji sẹpọ lẹdo Ihevbe tọn to gandudu dokọ Owan East tọn to ayimatẹn lọ mẹ.

Linlin de dọna linlinwe Punch Metro dọ mẹfintọ he sọ́ awhànnu taun lọ lẹ ko nọ to tuklado lẹdo lọ, alọgọ ko yin bibiọ sọn Ponọ po hihọbasinamẹtọ devo lẹ de nado basi hihọ na kọmẹnu po aligbọntọ lọ lẹ po.

Mẹfintọ lọ lẹ ko to tuklado kọmẹnu lo lẹ po mẹhe nọ gbọn aliho lọ ji whẹwhẹ lẹ. Aliho lọ lọsu ko gble ehe sọgan yidogọ na azọ́n gblezọn mẹfintọ ehelẹ tọn.

"E yidogọ dọmọ, mẹfinfin agọe tọn ko lẹzun nujijọ whẹwhẹ tọn de, todido mítọn wẹ nado mọ agbọ́ sọn nujijọ enẹlẹ si to madẹnmẹ."

Ponọ-gán hodọdopọ azọ́nwhe ayimatẹn lọ tọn, Chidi Nwabuzor, he hẹn diun dọ nujijọ lọ jọ nugbo, dọmọ, omẹ awe to mẹhe yin finfin lẹ mẹ ko yin whiwhlẹn gbọn Ponọ lẹ dali.

E dọmọ, "Ogbẹ́ Ponọ lẹ tọn mọnukunnujẹ mẹfinfin lọ mẹ, omẹ awe to mẹhe yin finfin lọ lẹ mẹ ko yin whiwhlẹn gbọn Ponọ lẹ dali, ṣigba, mí ma sọgan dọ omẹ nẹmu he yin finfin na taun tọn. Mẹhe yin whiwhlẹn lọ lẹ to nukunpedomẹgo mọyi to dotowhé."

Nwabuzor dọmọ, Ponọ lẹ gbẹ to ogbé lọ mẹ keje nado sọgan whlẹn mẹhe yin finfin lọ lẹ bosọ wle danuwatọ lọ lẹ.

Asisa lẹ

• Adeyinka Adebipe. "Two abducted Edo passengers rescued, kidnappers hold 10" —Punch. May 5, 2023
• Uwakwe Benson. "Two abducted Edo passengers rescued, kidnappers hold 10" —The Times. May 5, 2023