Hùnwhẹ Ohọ̀n Kọlilẹ tọn ẹnẹtọ na wá aimẹ to Awọnlin to azán 21tọ Kọ́yànsun 2023 tọn
|
This article is written in Gun (Gungbe) |
Sibigbe, Kọ́yànsun 14, 2023
Hùnwhẹ Ohọ̀n Kọlilẹ tọn ẹnẹtọ na wá aimẹ to Gbagli, yèdọ tòdaho hohowhenu tọn de to ayimatẹn Awọnlin tọn fie Aflikanu he yin yinyan sọn otò yetọn mẹ lẹ yin nukundo nado lẹkọ wa, podọ ayimatẹn-gán Awọnlin tọn Babajide Sanwo-Olu na dokuavọna yé te.
Hùnwhẹ lọ na bẹ sọn Kọ́yànsun azán 19tọ jẹ 21tọ bọ e na yin nukundo nado hẹn ale wá na mẹhe nọ nọ̀ Awọnlin po mẹhe yin yinyan sọn otò yetọn mẹ lẹ po. Hùnwhẹ lọ na bẹ numimọ whenuho tọn, gbigbọmẹ tọn, numọtolanmẹ tọn po agbasamẹ tọn lẹ po hẹn.
Azinponọ na Wedegbẹ́ ogbẹ́ Naijilia-nu he tin to tògodo lẹ tọn, yedọ "Nigerians in Diaspora Commission (NiDCOM)" tọn, Mẹ yẹyi tọn Abike Dabiri-Erewa dọ dọ hùnwhẹ lọ na hẹn ale wá to akuẹzinzan-liho, to agbasa-liho podọ to gbigbọ-liho nado dohia dọ emi na lẹkọwa ohọ̀n ayajẹ, jijọho, kọdetọn dagbe po nukọnyiyi tọn po kọ̀n.
Afọzedaitọ ayimatẹn Awọnlin tọn na gbejizọnlin, anazọnwiwa po aṣa po, Whési Toke Benson-Awoyinka dọ dọ gandudu lọ ko magbe nado de adọkun whiwhla Gbagli po Awọnlin tọn lẹ po hia aihọn lọ.
Azinponọ Wedegbẹ́ Tonudidọ Awọnlin tọn na gbejizọnlin po aṣa po, Mẹ yẹyi tọn Solomon Bonu dopagbe nado nọgodona hùnwhẹ lọ to osẹ́n-liho.
Asisa lẹ
[jlado | jla asisado]- (en) "FOURTH DOOR OF RETURN HOLDS IN LAGOS OCTOBER 21". — Lagos State Government Official Website, 10 October 2023.
- (en) Samuel Abulude. "Marcus Garvey Jnr, Sanwo-Olu For 4th Lagos Door Of Return". — Leadership News, 10 October 2023.