Godonọnamẹtọ Flying Eagles tọn vẹ̀ yé nado do vivẹnu dogọ sọta Brazil

Sọn Wikilinlin

Sẹgbe, Nuwhàsun 28, 2023

Godonọnamẹtọ he yiwanna bọlu lẹ ko basi oylọna Flying Eagles Naijilia tọn nado do vivẹnu dogọ sọta Brazil mahopọna awhàngbigba agó 2-0 tọn yetọn sọta Italy nado tin to otẹn aga tọn to pipli D tọn mẹ to agbàwhinwlẹn 2023 U-20 FIFA lẹdo aihọnpe tọn mẹ to Argentina.

Delẹ to godonọnamẹtọ he yiwana bọlu lọ lẹ mẹ he dọhó hẹ News Agency of Nigeria (NAN) to Sibigbe to Enugu, pà bọlu-hòtọ lọ lẹ na vivẹnudido yetọn lẹ podọ bosọ flinu yé gando owu he bọlu-hògbẹ́ Brazil tọn nọ saba hẹn wa mẹji. NAN na linlin do bọlu-hògbẹ́ Naijilia tọn ko gbawhàn awe sọta Dominican republic podo Italy po bosọ tindo dotẹnmẹ hundote dagbe hugan nado duto pipli yetọn ji.

Norbert Okolie dọ dọ nuyiwa ogbẹ́ lọ tọn to agbàwhinwlẹn lọ whenu ma yin nupaṣanamẹnu de dile anademẹtọ lọ ko na huhlọn ogbẹ́ lọ to agbàwhinwlẹn African Cup of Nations godo.

"N dona dọdọ ogbẹ́ lọ ma ko yi finẹ pọn na ẹnẹwutu bọlu-hòtọ lọ lẹ ni ma jaya zẹ jlẹgo na agbàwhinwlẹn yetọn sọta Brazil ma na yin dehe bọawu de. "Bọlu-hòtọ lọ lẹ dona ze ayiha yetọn do yanwle yetọn ji bosọ do vivẹnu dogọ to apa lẹpo mẹ podọ n'tindo nujikudo lọ dọ avase ehelẹ na gọalọna yé nado duto Brazil ji.

"Zinzindonukọn yi adà he bọdego mẹ tin to alọ miwlẹ titi tọn mẹ podọ ogbẹ́ lọ wẹ sọgan hẹn alọdotena edetiti ma nado pegan na adà godo tọn," wẹ e dọ. Chidera Pius, bọlu-hòtọ na ogbẹ́ pẹvide to Enugu, Star Plus FC of Ngwo, do nujikudo etọn hia dọ bọlu-hògbẹ́ Naijilia tọn lọ na pegan na adà he na bọdego.

"Mí mẹpo wẹ yọnẹn dọ bọlu-hògbẹ́ Brazil tọn yọn taun ṣigba yé tindo zẹnsisọ dopolọ hẹ Italy to bọlu-gbigbá mẹ.

"Na nugbo tọn, na mí duto Italy ji podo agó 2-0 po wutu ma dohia dọ mi ni yí nukun pẹvi do pọn Brazil. Ṣigba podo nujikudo bọlu-hògbẹ́ lọ tọn po zohunhun yetọn nado tindo kọdetọn dagbe po, Flying Eagles na wa nuhe jẹ nado tindo kọdetọn dagbe.

"N ma tindo obiọ depope to yé si zẹ awhàngbigba go sọta Brazil kavi zẹnsisọ to agbàwhinwlẹn lọ mẹ podọ n'tindo yise to bọlu-hògbẹ́ lọ mẹ dọ yé ma na do winyan otògbo lọ, wẹ e dọ.

Akotokunhòtọ Naijilianu dai tọn, Ikechukwu Okoronkwo, basi oylọna bọlu-hòtọ lọ lẹ nado zindonukọn to bọlu-gbigbá yetọn mẹ taidi ogbẹ́ de bo dapana pekọ tintindo sọta Brazil na yé ni ma gú wutu.

A pa anademẹtọ lọ lẹ na azọ́n dagbe yetọn lẹ wutu bosọ vẹ̀ yé nado dapana nuṣiwa lẹ bo mọ dọ yé lẹkọwa whegbe podo linlin dagbe po nado sọgan jaya na vivẹnudido yetọn lẹ.

"Na ẹnẹwutu n vẹ̀ anadenanutọ lẹ ma nado zán bọlu-hòtọ he ma pegan podo linlẹn tintẹn yé pọn tọn wutu ṣigba bo zán bọlu-hòtọ he pegan lẹ kẹdẹ ," wẹ Okoronkwo dọ.

Asisa lẹ[jlado | jla asisado]