Ghana de anadenanutọ bọlu-hihò yetọn Chris Hughton sẹ̀ to whenuena yé gú to agbàwhinwlẹn AFCON tọn godo

Azangaagbe, Alunlunsun 24, 2024

Ghana ko de anadenanutọ bọlu-hihò yetọn Chris Hughton sẹ̀ to go do he dile yé gú to agbàwhinwlẹn Africa Cup of Nations tọn po awuyiya po. Adà Houghton tọn gboawupo nado gbawhàn to aihùn atọ̀n yetọn mẹ to Cote D’Ivoire, ṣigba yé mọ agó (points) awe yi bo fó do otẹn atọ̀ntọ to pipli B mẹ. Mahopọnna zẹnsisọ sọta Mozambique to Tẹnigbe, Ghana gbẹ tindo dotẹnmẹ nado pegan na adà bọlu-hògbẹ́ 16tọ tọn bosọ notẹ to adà bọlu-hògbẹ́ atọ̀ntọ he yọn hugan mẹ Etomọṣo, Cameroon hẹn diun dọ emí glọnalina dotẹnmẹ mọnkọtọn nado jọ dile yé hò Gambia 3-2 to Oguzangbe nado mọdọ bọlu-hògbẹ́ " Black Stars" tọ́n sọn agbàwhinwlẹn lọ mẹ.

“The Ghana Football Association" (GFA) he yin pipli ogbẹ bọlu-hihò Ghana tọn jlo nado basi nulila dọ Chris Haughton ko yi gbọjẹ sọn azọ́n etọn mẹ taidi anademẹtọ bọlu-hògbẹ́ otògbo lọ tọn podo awuyiya po," wẹ nudọnamẹ (GFA) do to Oguzangbe sin whèjai dọ. "Ogán titobasinanu lọsu ko basi dide nado gbà titobasitọ bọlu-hògbẹ́ "Black Stars" tọn. Pipli titobasinanu Ghana tọn na de tito devo tọ́n to madẹn mẹ he na deanana sọgodo "Black Stars" tọn. Bọlu-hògbẹ́ "Black Stars" to anadenamẹ Hughton tọn glọ gú agó 2-1 do alọ Cape Verde tọn mẹ, bo nọzẹn podo Egypt po bosọ mọ nupaṣamẹnu de to agbàwhinwlẹn sọta Mozambique ehe yé jẹ nado duto e ji. Yé gboawupo nado hẹn awhàngbigbà agó awe yetọn go dile bọlu-hògbẹ́ adà awẹtọ fli agọ lọ lẹ lẹkọ to nukunwhiwhe atọ̀n he gbọngodo mẹ.

Asisa lẹ

• Efosa Taiwo. "Ghana sack coach Chris Hughton after AFCON exit".– Vanguard. January 24, 2024
• Olaniyi Apanpa. "Ghana sacks coach Hughton after AFCON failure".– Punch. January 24, 2024