Gbẹtọ 10 kú to asidan moto tọn de whenu to Enugu

Ahọluzangbe, Whejisun 10, 2023

E whè gbau gbẹtọ 10 wẹ kú to whenue asidan de jọ to ali daho he tọ́n sọn Enugu yì Onitsha ji to Yọnnuzangbe afọnnu, to ayimatẹn Enugu tọn.

Linlin lẹ dohia dọ nujijọ lọ wá aimẹ to ogàn ṣinẹnẹ afọnnu tọn mẹ sẹpọ húnglintẹn Central Bank of Nigeria (CBN) tọn to Enugu.

Mọto he nọ bẹ gbẹtọ 18 de wẹ pé agbanbẹhún daho de he bẹ sinma wá jei.

Dile e tlẹ yindọ mí ma ko penugo nado yọn sọha gbẹtọ he kú to nugbajẹmẹji lọ whenu tọn taun to ojlẹ he mẹ linlin ehe yin kinkan, kunnudetọ lẹ he mọ nujijọ lọ dọdọ gbẹtọ 10 wẹ kú.

Kunnudetọ de he mọ nujijọ lọ dọdọ húnkùntọ awe lọ lẹ to húnkùn to ali dopolọ ji na ali awetọ lọ ko gble taun wutu.

Asisa lẹ[jlado | jla asisado]

Nnamdi Mbawike. "JUST-IN: Accident Claims 10 Lives In Enugu". — Leadership News. March 9, 2023
Lawrence Njoku. "10 feared dead as commuter bus ram into trailer in Enugu". — The Guardian. March 9, 2023