Gbéyantọ lẹ mọ ovi pẹvi de he buali to ali daho Osun tọn ji

Sọn Wikilinlin

Ahọluzangbe, Nuwhàsun 19, 2023

To Yọnnuzangbe zanmẹ, hagbẹ ogbẹ́ gbéyantọ lẹ tọn de, (Nigeria Hunters and Forest Security Service), he to zanṣọ́ to Inisa, to ayimatẹn Osun tọn, to ali he gbọn dogbo Osogbo/Kwara tọn ji lẹ, mọ ovi pẹvi he buali de bo ze e.

Sọgbe hẹ asisa nudọnamẹ tọn lẹ, ovi pẹvi lọ ja sọn awà Okuku tọn mẹ to ali lọ ji bo wá jei Ikirun waji to whenue gbéyantọ he to zanṣọ́ lọ lẹ do mọ ẹn bo na avase tòmẹnu lẹdo lọ tọn lẹ.

Tòmẹnu Inisa tọn de, he ylọ ede poun dọ Ayodeji, dọdọ mẹhe nọ nọ̀ lẹdo he mẹ ovi pẹvi lọ yin mimọ te lẹ depope ma yọn ẹn.

E dọdọ, "Gbéyantọ lọ lẹ to zanṣọ́ to ali daho lọ ji to zanmẹ to whenue yé mọ ovi pẹvi lọ to nudi ogàn atọ̀n mẹ zánfinfọ́n to ali he gbọn dogbo Osogbo/Kwara tọn ji to tòpẹvi Inisa tọn mẹ."

"Gbéyantọ lọ lẹ na avase mí mẹhe nọ nọ̀ lẹdo he mẹ ovi pẹvi lọ yin mimọ te lẹ podọ mímẹpo wẹ tọ́n. Ovi pẹvi lọ to omẹ́ podọ jikun to jijà to ojlẹ lọ mẹ."

"Mí kàn yinkọ etọn se e podọ e dọ ẹ na mí, ṣigba e ma flin yinkọ otọ́ po onọ̀ etọn po tọn. Yé dọna mí dọ e haji to wezun họ̀n to ali daho lọ ji wá jei poun wẹ bo pànta Ikirun to whenue gbéyantọ lọ lẹ do e te."

"Gbéyantọ lọ lẹ jlọ na yọn mẹhe sin ovi wẹ, ṣigba mẹdepope to mí mẹ ma yọnẹn na mí ma yọn mẹjitọ etọn lẹ wutu. Mí wá na ayinamẹ yé nado ze ovi lọ yì ponọpa mẹ, yé sọ wamọ."

To whenue yé wá vọ hokanse Ahmed Nureni, he yin nukọntọ gbéyantọ lọ lẹ tọn, gando lehe nulẹ wá yì do go, e dọdọ ovi lọ yin zize yì ponọpa de he to Okuku mẹ, podọ mẹjitọ etọn lẹ wá plan ẹn.

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Gbéyantọ_lẹ_mọ_ovi_pẹvi_de_he_buali_to_ali_daho_Osun_tọn_ji&oldid=17903"