Gbéyantọ he to otẹgbọẹ de yàn dèso do hagbẹ etọn bọ e kú to Ogun

Sọn Wikilinlin

Oguzangbe, Nuwhàsun 2, 2023

Whẹndo Olasunkanmi Olakiye he yin gbéyantọ de he nọ nọ̀ ayimatẹn Ogun tọn tọn to aluẹmẹ na okú madonukun etọn wutu.

Linlin lẹ dohia dọ dawe owhe 35-mẹvi lọ yin sòdedo to mayọnẹn mẹ gbọn dopo to gbéyantọ-gbẹ etọn lẹ mẹ dali to whenue yé to gbéyan to zùnkan de mẹ to lẹdo Odeda tọn mẹ to ayimatẹn lọ mẹ to azán 20tọ Lidosun tọn.

E yin ayidego dọ nujijọ lọ dọ̀n ogbẹ́ Egba Hunters Association, yèdọ ogbẹ́ gbéyantọ lẹ tọn de he mẹ matintọ lọ tin te, biọ bẹwlu mẹ.

Nukọntọ ogbẹ́ lọ tọn, Alao Yusuf, to hokansemẹ de whenu to Tẹnigbe yigbe dọ nujijọ lọ wá aimẹ nugbo, bo dọdọ nujijọ ajiji de wẹ e yin.

Yusuf dọdọ sọgbe hẹ nudọnamẹ he hagbẹ he to finẹ hẹ matintọ lọ to whenue nujijọ lọ do wá aimẹ lẹ na, matintọ lọ yin sòdedo to mayọnẹn mẹ gbọn dopo to hagbẹ lọ lẹ mẹ to whenue yé to tintẹnpọn nado hù otẹgbọẹ de to zùnkan lọ mẹ.

E vẹna ẹn taun dọ vivẹnu he hagbẹ etọn lẹ do nado sọgan whlẹn ogbẹ̀ Olakiye tọn ma tọ́nkọ do dagbe mẹ dile e yin didọ dọ e ko kú to dotowhe fie yé ze e yì.

E dọdọ dile etlẹ yindọ yé jẹwhẹ nujijọ lọ tọn to ponọpa mẹ, whẹndo matintọ lọ tọn basi nudide lọ ma nado ze whẹho lọ yì owhẹ̀ nukọn.

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Gbéyantọ_he_to_otẹgbọẹ_de_yàn_dèso_do_hagbẹ_etọn_bọ_e_kú_to_Ogun&oldid=16978"