Freiburg ko de Bayern sẹ sọn agbàwhinwlẹn German Cup tọn mẹ to penalty ogàngodo de tọn mẹ
Azangaagbe, Lidosun 5, 2023
Bayern Munich yin didesẹ sọn agbàwhinwlẹn German Cup tọn mẹ to Oguzangbe to whenuena Lucas Hoeler do agó penalty ogàngodo tọn ehe hẹn yọnbasi na yé nado gbawhàn agó 2-1 tọn bosọ sẹtẹn yi adà bọlu-hògbẹ́ ẹnẹ he gbọngodo lẹ tọn mẹ.
Nicolas Hoefler fli agó he Upamecano do na Bayern lẹkọ whẹpo Hoeler do do agó ogàngodo tọn sọn nuṣiwa Jamal Musiala tọn mẹ dile bọlu jẹ alọgo na ẹn to yaadi 18tọ mẹ.
Freiburg lẹ gú agbàwhinwlẹn lọ to owhe he wayi to penalty whenu sọta RB Leipzig ṣigba Hoeler to ojlẹ ehe mẹ yí dotẹnmẹ hundote penalty yetọn zán nado sẹ́ bọlu-hògbẹ́ etọn yi adà bọlu-hògbẹ́ ẹnẹ he gbọngodo lẹ tọn mẹ na owhe awetọ debọdodego.
Bayern gbọawupo nado jẹ adà bọlu-hògbẹ́ ẹnẹ he gbọngodo lẹ tọn mẹ na owhe atọ̀n debọdodego. Ṣigba Freiburg lẹ todin tindo todido lọ nado mọ ale German Cup lọ tọn yi na whla tintan.
Asisa lẹ[jlado | jla asisado]
- "Freiburg knock Bayern out of German Cup after late penalty".– Punch. April 4, 2023
- "Freiburg knock Bayern Munich out of German Cup".– Vanguard. April 4, 2023