France hẹn todido yetọn to bọlu-hihò lẹdo aihọnpe mẹ do ogbẹ̀ dile yé hò England 2-1

Sẹgbe, Awewesun 11, 2022

Alemọtọ bọlu-hihò lẹdo aihọnpe agọe tọn France, hò England 2-1 to Sibigbe to aihun yetọn mẹ to nọtẹn Al Bayt Stadium to Qatar nado zindonukọn yi adà bọlu-hògbẹ́ ẹnẹ he gbọngodo lẹ tọn mẹ.

Aurellen Tchouameni wẹ do agó tintan to nukunwhiwhe 17 mẹ ṣigba vivẹnudido England tọn dekọntọn do penalty na Saka ehe Kane wa gba do dọmẹ nade yawu sọzẹ́n to bẹjẹeji adà awetọ aihun lọ tọn.

Mahopọnna agó penalty tọn ehe yé do, nukọntọn bọlu-hòtọ́England tọn ma penugo nado wa azọ́njiawu na ogbẹ etọn lẹ. England sọ mọ penalty devo to whenuena Hernanadez ze Mason Mount jai ṣigba Kane hò bọlu lọ do ogàn go to aga bo gbọnmọdali gú nuhe na ko taidi lẹblanulọkẹyi na yé to nukunwhiwhe 83tọ aihun lọ tọn mẹ.

Olivier Giroud wẹ yin awhàngbatọ aihun lọ tọn na France podo agó jiawu ehe e do po to nukunwhiwhe 78tọ mẹ nado hẹn todido France tọn do ogbẹ.

France na pe Morocco to aihun bọlu-hògbẹ́ ẹnẹ he gbọngodo lẹ tọn mẹ, mẹhe gbawhàn Ronaldo he yin nukọntọ Portugal tọn to alihò nupaṣamẹ de tọn mẹ nado lẹzun Aflikanu tintan he pegan na adà bọlu-hògbẹ́ ẹnẹ he gbọngodo lẹ tọn.

Asisa lẹ

• Sharon Osaji. "France keep W’Cup dream alive, beat England 2-1". — Punch. December 10, 2022