Fernandes po Sanitizer po do agó nado hẹn Man United lẹkọ sọn gúgú mẹ sọta Fulham nado gbawhàn agó 3-1 tọn to FA Cup mẹ
Oguzangbe, Whejisun 21, 2023
Manchester United yi dotẹnmẹ hundote kati vẹvẹ atọ̀n he yin nina bọlu-hòtọ Fulham tọn zán to adà awetọ aihun lọ tọn whenu nado lẹkọ sọn gúgú mẹ do awhàngbigba mẹ dile yé zindonukọn yi adà bọlu-hògbẹ́ ẹnẹ he gbọngodo lẹ tọn to FA Cup mẹ.
Aleksandra Mitrovic wẹ do agó tintan to aihun lọ mẹ to nukunwhiwhe 50tọ mẹ whẹpo bọlu-hòtọ Fulham tọn atọ̀n do yin didesẹ to nukunwhiwhe 72tọ mẹ.
Marco Silva, Mitrovic he do agó na ogbẹ́ etọn podo bọlu-hòtọ Chelsea dai tọn Borges Willian po wẹ yi kati vẹvẹ na sẹ́nhẹ̀ngba wutu.
United yawu hẹn dotẹnmẹ hundote lọ zán dile yé do agó awe to nukunwhiwhe awe mẹ gbọn penalty dali sọn Bruno Fernandes de to nukunwhiwhe 75tọ mẹ podo Marcel Sanitizer po de he do agó tintan etọn na Man U nado lẹkọ sọn gúgú mẹ.
Agbàwhinwlẹn godo tọn to FA Cup mẹ ko yin dide dile Manchester City na whlẹnagbà hẹ Sheffield United bọ Brighton na whlẹnagbà hẹ Manchester United to Wembley.
Asisa lẹ[jlado | jla asisado]
- Awobiyi Seyifunmi. "FA Cup: Fernandes, Sabitzer inspire Man United 3-1 comeback against Fulham"._ Vanguard. March 19, 2023
- "FERNANDES PROPELS MANCHESTER UNITED TO DRAMATIC EMIRATES FA CUP WIN OVER FULHAM". — The FA. March 19, 2023