E yin nupaṣamẹ de na Liverpool dile Brentford hò ye 3-1
Oguzangbe, Alunlunsun 3, 2023
Liverpool ko gú aihun tintan Premier League yetọn tọn to 2023 do alọ Brentford tọn mẹ dile yé duto ye ji podo agó 3-1 po to aihundida he whanmẹ taun de mẹ to nọtẹn Gtech Community Stadium.
Brentford do mẹho hia Liverpool podo vivẹnudido yetọn po to Tẹnigbe sin zanmẹ dile yé do agó 3, mahopọna dọ yé ma zán bọlu-hòtọ akonka yetọn, Ivan Toney, he ma penugo na awugble etọn wutu.
Bọlu-hòtọ godo tọn na Liverpool, Ibrahima Konate, wẹ ko do agó bẹjẹeji tọn sọta ogbẹ́ edetiti tọn to nukunwhiwhe 19tọ mẹ ehe ze Brentford do nukọn bosọ hẹn bẹwlu pla Liverpool ehe hẹn viawu na yé nado gbá bọlu ganji.
Yoane Wissa, do agó awetọ to nukunwhiwhe 42tọ mẹ bọ Bryan Mbeoumo do agó atọ̀ntọ to nukunwhiwhe 84tọ mẹ nado siọ bọlu-hòtọ Jurgen Klopp tọn do osin mẹ.
Ṣigba, Alex Oxlade-Chamberlain fli agó dopo lẹkọ na ogbẹ etọn to bẹjẹeji adà awetọ tọn mẹ, bo gbọawupo nado fli agó lọ lẹpo lẹkọ mahopọna dọ yé dugan to adà aihun lọ tọn ji.
Asisa lẹ
[jlado | jla asisado]- Sharon Osaji. "Liverpool stunned in 3-1 loss to Brentford]". — Punch. January 2, 2023