Doto de yin wiwle na e do nudọnamẹ gando azinzọ̀nnọ etọn go hia to nọtẹn intẹnẹt tọn ji

Sọn Wikilinlin

Sibigbe, Lidosun 1, 2023

noicon
Icon of loudspeaker
Hoyido-kanji ehe yin bibasi sọn vọjlado nukinkan tọn mẹ he yin bibasi to 01-04-2023, enẹwutu e ma sọgan dó vọjlado dìn tọn hia todin.

Dotozọ́nwatọ de, Kadev Kenneth Kelvin ko yin wiwle do ganmẹ to whẹdatẹn kleun he nọ basi vọjlado na nuṣiwa lẹ to Makurdi na owhẹ̀ he gando nudọnamẹ mẹdevo tọn zizedo nọtẹn intẹnẹt tọn ji.

E yin wiwle gbọn whẹdatẹn ayimatẹn Benue tọn he tin to Makurdi he yin tatọtẹnnọ ayimatẹn Benue tọn.

Linlin whẹsadokọnamẹ lọ tọn yin nina do nọtẹn Facebook tọn ji to Whejisun 12, 2023 fihe e dohia te dọ emi tọ̀ míyonu mẹhe yin wekantọ nudọnamẹ zizedo gbangba ayimatẹn Benue tọn na ogbẹ́ Peoples Democratic Party, tọn Bemgba Lortyom, whenuena e ko tindo kọndopọ zanhẹmẹ tọn gbọn míyonu hẹ mẹde to ganpamẹ Abuja to 2017.

Nudọnamẹ tintan he yin nina gbọn ponọ lẹ dali yin hihia dọ, to 13/03/2023, ovẹ̀ sẹ́nhẹngbatọ de tọn yin mimọyi gbọn devizọ́nwatọ ponọ lẹ tọn he yin kinkan gbọn D.K lorhemba po azọ́nwatọgbẹ́ etọn taidi whẹyidọtọ po godonọnamẹtọ whẹdatọ tọn po do Bemgba Lortyom tamẹ, mẹhe yin wekantọ nudọnamẹ zizedo gbangba ji PDP tọn to ayimatẹn Benue tọn mẹ he dọ dọ dotozọ́nwatọ enẹ, Kadev Kenneth Kelvin he nọ wazọ́n to Kadev Health System Services he tin to Sọha 9tọ ada awetọ waji Holy Covenant tọn to aliho Otukpo tọn ji to Makurdi.

Linlin lọ zindonukọn bo dohia dọmọ, doto ko dọhó ylankan lẹ gando Bemgba go to 12/03/2023 to nudi ogan 11 zanmẹ tọn mẹ to whenue e to nukan to nọtẹn intẹnẹt tọn ji podo Gabriel Terungwa Shange po. Linlin etọn yin nina dọmọ, Mẹdaho, eyin Bemgba Lortyom na hẹn ede kúdiho, dọna mi, azan he gbe e yọnẹn dọ yẹn wẹ mẹhe wazọ́n naẹn to dotowhé to whenue e yin zinzanhẹ gbọn míyonu to ganpámẹ Abuja tọn to 2017, e glọnalina hodọdopọ lọ.

Sọgbe hẹ dodinnanu, ponọ lẹ dọmọ, doto lọ yin wiwle bọ hodidọ etọn he tin to nọtẹn Facebook tọn ji yin didehia taidi kunnudenu de podọ e yigbe ylando he e wa tọn.

Ponọ agọjẹdo sẹ́nhẹngbatọ, Ponọ-gán S.O Itodo hẹn zun yinyọnyẹn na whẹdatẹn dọmọ, dodinnanu gbẹ zindonukọn do whẹho lọ ji. E biọ azan devo to whẹdatẹn lọ si na whẹhutọ lọ nido sọgan do ede hia di mẹhe ma huwhẹ̀.

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Doto_de_yin_wiwle_na_e_do_nudọnamẹ_gando_azinzọ̀nnọ_etọn_go_hia_to_nọtẹn_intẹnẹt_tọn_ji&oldid=6115"