Dopo to mẹhe yin finfin lẹ mẹ họ̀ngán, omẹ 84 gbẹ tin to kanlinmọgbenu

Sẹgbe, Lidosun 23, 2023

Dopo to gbẹtọ 85 he yin finfin lẹ mẹ sọn gbetato Wanzami tọn mẹ to gandudu dokọ Tsafe tọn to ayimatẹn Zamfara tọn mẹ, he nọ yin Zainab Abdullahi ko họ̀ngán sọn kanlinmọgbenu danuwatọ lẹ tọn mẹ bo gọwa whé, to whenuena gbẹtọ 84 he po lẹ gbẹ tin to kanlinmọgbenu.

To hodidọ na linlinwe Punch Sẹgbe tọn to alokan ji to Ahọluzangbe, kọmẹnu lẹdo lọ mẹ tọn de, Abubakar Na,allah dọmọ Abdullahi penugo nado họ̀ngán to Ahọluzangbe sin zanmẹ bosọ lẹkọ do mẹjitọ etọn lẹ de to gbetato Wanzamai tọn.

Na,allah dọmọ, Zainab tin to yọnnu he yin finfin lẹ mẹ, he yin dide nado nọ din nake na nudida na mẹhe yin finfin bo tin to kanlinmọgbenu lọ lẹ.

E dọmọ, "Whenue Zainab po yọnnu devo lẹ po yi din nake, e basi dide nado họ̀n bo lẹkọwa whé."

E dọ awuhiọnu lẹ gando aliho he mẹ jaguda lọ lẹ gbẹ́ nado tun mẹhe yin finfin lọ lẹ dote mahopọnna akuẹ naira livi 3 he yé yí sọn kọmẹnu lọ lẹ si.

Danuwatọ lọ lẹ biọ dọ awhànfuntọ he yin sisẹ́do Wanzamai dona yin kọlẹna sọn gbetato lọ mẹ.

Devizọ́nwatọ hihọ tọn he ko yi gbọjẹ, DIG Mamman Tsafe dọna Linlinwe Punch sẹgbe tọn dọmọ, gandudu ayimatẹn tọn ma na lẹkọna awhànfuntọ lẹ he yin sisẹ́do gbetato lọ mẹ. "Mí ma na lẹkọna awhànfuntọ lẹ, mahopọnna lehe kọgbidinamẹ lọ na sinyẹn sọ́n jaguda lẹ de do sọ."

Asisa lẹ

• Maiharaji Altine. "Zamfara abductee escapes, 84 still in captivity". — Punch. April 23, 2023
• Uwakwe Benson. "Zamfara abductee escapes, 84 still in captivity". — The Times. April 23, 2023