Dopo to Hagbẹ NYSC tọn he basi matintọ to asidan pinpan-liji Awọnlin tọn he jọ ko yin didi

Oguzangbe, Whejisun 14, 2023

Oṣiọ Oreoluwa Aina, yọnnu owhe 28 mẹvi de, he yin dopo to hagbẹ National Youth Service Corps (NYSC) tọn mẹ, he yin dopo to mẹhe kú to asidán pínpan tọn he jọ to Azan ṣineneto, Whejisun tọn mẹ, ko yin didi.

Aina yin dopo to omẹ ṣidopo he tohọluduta ayimatẹn lọ tọn dọ dọ yé hẹn ogbẹ̀ yetọn bu to nujijọ lọ whenu lẹ mẹ.

Oṣiọ yọ́nnu lọ, he sẹ̀n to azọ́nwatẹn Curriculum Services Department of the Lagos State Ministry of Education tọn mẹ to Alausa, ko yin didi do ṣiọditẹn Atan tọn mẹ.

Afọzedaitọ Anadenanutọ Wepinplọn tọn na tohọluduta ayimatẹn lọ tọn, Folashade Adefisayo, lọsu wá ṣiọdidi lọ tẹnmẹ.

Mẹdevo he sọ wá ṣiọdidi lọ tẹnmẹ lẹ wẹ whẹndo mẹhe ku lọ tọn podọ Anadenanutọ NYSC tọn ayimatẹn lọ tọn, Yetunde Baderinwa.

The Punch ko na linlin dọ pínpan he bẹ mẹlẹ de he tọ́n sọn Ikotun bo jei Alausa, to lẹdo PWD tọn mẹ ko gidi mọto ahọluzọnwatọ tohọluduta ayimatẹn Awọnlin tọn.

Asisa lẹ

• Dayo Oyewo. "Corps member who died in Lagos train accident buried". — Punch. March 12, 2023
• "Remains of Youth Corps member who died in Lagos Bus-Train crash buried (Photos)". — PM News. March 12, 2023