Diblayi gbẹtọ 50 wẹ na ko yin hùhù to whenue kanlinyìntọ lẹ tọ́nawhàn lẹdo susu to Benue

Azangaagbe, Whejisun 8, 2023

E whè gbau gbẹtọ 50 wẹ mí to linlẹn dọ yé na ko yin hùhù to whenue kanlinyìntọ delẹ tọ́nawhàn lẹdo delẹ na nudi azán ẹnẹ, to lẹdo gandudu dokọ̀ tọn Kwande tọn mẹ to ayimatẹn Benue tọn.

Linlin lẹ dohia dọ fie nujijọ lọ lẹ yinuwado taun lẹ wẹ Adam, Iyarinwa, Abamde Ityuluv, Waya Boagundu, Agura Ayaga po lẹdo Azege tọn lẹ po he to adà Turan tọn mẹ to lẹdo gandudu dokọ̀ tọn Kwande tọn mẹ.

To whenue Tertsua Yarkbewan, he yin azinponọ hoho lẹdo lọ tọn, to hodọ hẹ linlinnamẹtọ lẹ to alokan ji to Tẹnigbe, e dọdọ hugan gbẹtọ 50 wẹ yin hùhù to whenue kanlinyìntọ lẹ tọ́nawhàn lẹdo lọ.

E dọdọ "to agọe, azán lẹpo gbe wẹ a na se dọ gbẹtọ atọ́n kavi ẹnẹ ko yin hùhù, a ma sọgan yọn sọha omẹ nabi he ko yin hùhù tọn taun na oṣiọ delẹ gbẹ to nukanmẹ mẹ bọ yè ma ko mọ. Ṣigba eyin yè pọ́n sọha gbẹtọ he ko yin hùhù to azán kleun he wayi ehelẹ gblamẹ, n'lẹndọ sọha mẹhe ko yin hùhù lẹ tọn na ko hugan 50."

Asisa lẹ

• "50 Feared Killed As Suspected Herdsmen Invade Benue Communities". — Info Daily. March 7, 2023
• John Charles. "50 feared killed as suspected herdsmen invade Benue communities". — Punch. March 7, 2023