Dawe de zanhẹ owhe 12-mẹvi he to nújla de gánnugánnu to Ondo

Sọn Wikilinlin

Azangaagbe, Nuwhàsun 31, 2023

To Oguzangbe, ponọ ayimatẹn Ondo tọn lẹ dọdọ yé ko jẹ dawe mẹhomẹ de he yin whẹsadokọna dọ e zanhẹ viyọnnu owhe 12-mẹvi de gánnugánnu to Igbokoda, he yin tatọ́-tẹnnọ̀ lẹdo gandudu dokọ̀ tọn Ilaje tọn.

Dawe lọ, he yinkọ etọn ma ko yin yinyọnẹn, yin whẹsadokọna dọ e zanhẹ viyọnnu he to nújla lọ gánnugánnu.

Yé dọdọ mẹhe yin whẹsadokọna lọ klọ́ viyọnnu lọ biọ ohọ̀ gbápò he to tòpẹvi lọ mẹ de mẹ, fie e wadanu do viyọnnu pẹvi lọ go te.

Linlin lẹ dohia dọ mẹhe yin whẹsadokọna lọ, he yé dọdọ e wá sọn ayimatẹn Kebbi tọn mẹ, họnbẹ whẹ́ bo wá họ̀n sọn ayimatẹn lọ mẹ to enẹgodo.

To whenue e to whẹdida dodo biọ, onọ̀ viyọnnu lọ tọn he mí yọnẹn taidi Joy, dọna linlinnamẹtọ lẹ to Akure to Oguzangbe dọdọ nujijọ lọ jọ to Nuwhàsun 19, 2023.

E biọ to ponọ lẹ si nado gọalọna whẹndo etọn nado wle mẹhe whẹsadokọna he ko họ̀n lọ.

E dọdọ, "To whenue viyọnnu ṣie lẹkọ sọn wehọmẹ to azán lọ gbe, e biọ to asie nado dike emi ni yì jlá puff-puff na mí tindo hudo akuẹ vude tọn nado sú wehọmẹ-kuẹ etọn wutu. E wá tọ́n sọn whégbè nado yì jlanú. To whenue ozán ko to kuku, n'jẹ nuha ji to whenue n'ma mọ ẹn."

"Nukunwhiwhe kleun jẹnukọnna ogàn ṣinawe whèjai tọn, e lẹkọ wá whégbè ṣigba to whenue n'mọ ẹn tlolo, n'yọnẹn dọ nude ko jọ na e di mẹhe agbọ́ ko pe. To whenue e tẹnpọn nado dọ nuhe jọ do ego lọ na mi, e ba ede mẹ pò. Dotowhe wẹ e wá fọ́n te."

Onọ̀ viyọnnu lọ tọn dọdọ whenue viyọnnu lọ fọ́n wẹ e wá basi zẹẹmẹ lehe dawe lọ zanhẹ ẹ gánnugánnu gbọn.

Asisa lẹ[jlado | jla asisado]