Dawe de yin wiwle to Oyo na e hù otọ́ etọn wutu
Sẹgbe, Lidosun 30, 2023
Ponọ ayimatẹn Oyo tọn ko wle dawe owhe 18 mẹvi de he yin yinyọnẹn taidi Taofeek Adeagbo, na e hù otọ́ etọn.
Onọ etọn, Rashidat Adeagbo lọsu yin wiwle na e whlá sẹ́nhẹngba sinsinyẹn mọnkọ.
Whenue danuwatọ lọ lẹ yin wiwle to Ibadan, to Ahọluzangbe, Ponọ-gán hodọdopọ azọ́nwhe ayimatẹn lọ tọn, Adewale Osifeso dọmọ, nujijọ lọ wa aimẹ to Tede, to gandudu dokọ Atisbo tọn to ayimatẹn lọ mẹ.
Osifeso dọmọ, "to Ahọluzangbe, Lidosun 21, 2023, to nudi ogan 8 afọnnu tọn mẹ, dawe de he nọ yin Adeagbo Taofeek sọn lẹdo Somola tọn to Tede, linlin etọn yin didọna tatọtẹnnọ ponọpá Tede Divisional tọn dọ, to azan lọ gbe to nudi ogan 6:30 afọnnu tọn, tavẹ-ylọvi etọn he nọ yin Adeagbo Ismail wa dọ nuhe jọ naẹn dọ whenue emi fọ́n to nudi ogan 6 afọnnu tọn mẹ, emi mọ otọ́ etọn, enẹ wẹ Adeagbo Jimoh he ko basi matintọ po ohia awugblenamẹ tọn po to ota etọn nukọn".
E dọmọ, dodinnanu bẹjẹeji tọn dohia dọ, mẹhe yin nuvẹdo lọ linú otọ́ etọn to ota etọn nukọn po ogàn po to whenue e to amlọndọ, he dekọtọn do okú mẹ na ẹn.
E yigbe dogọ dọ, onọ emitọn, Adeagbo Rashidat mọnukunnujẹemẹ dọ, emi hù otọ́ emitọn bosọ whla whẹho lọ. Adeagbo Rashidat lọsu yin wiwle".
Etomọṣo, to hokansemẹ de whenu hẹ onọ etọn, Rashidat Adeagbo, e dọmọ, whenue emi fọ́n to azan lọ gbè, emi mọ oṣiọ asu emitọn tọn to kọmẹ.
E dọmọ, "N'fọ́n yọpọ lẹ na odẹ afọnnu malẹnu lẹ tọn whenẹnu wẹ n'mọ oṣiọ asu ṣiẹ tọn to kọmẹ. N'bẹ awhá bọ gbẹtọ lẹ sọ gọ́ owhé mítọn gbè. Taofeek uwọ kọ tọnyi nado yi dọna hagbẹ whédo lọ tọn he po lẹ gando oṣiọ otọ́ etọn go.
"N'tindo ovi ṣinawe na asu ṣie he basi matintọ lọ etlẹ yindọ, mí nọ tindo wiwọ whẹwhẹ, ma sọgan biọ okú na ẹn.
"Hagbẹ whẹndo lọ tọn delẹ dọ whẹho lọ na ponọ lẹ. Ogbẹ́ ponọ tọn delẹ biọ nado mọ ovi lọ lẹpo ṣigba, n'lẹn dọ Taofeek ma kọ gọ̀wa whégbè, to whenuena e yindọ e tọ̀ ede do zànglọ. N'kanbiọ ẹ vlavo e mọdona okú otọ́ etọn tọn, e sọ yigbe ylanwiwa lọ tọn." dile e basi zẹẹmẹ do.
To nukọnyiyi devo lẹ mẹ, ponọ lẹ ko wle mẹhẹ yin nuvẹdo 23 devo lẹ na sẹ́nhẹngba wunmẹwunmẹ he bẹ mẹfinfin, ajojijẹ po nuhiọawu wunmẹ devo lẹ po hẹn.
Asisa lẹ[jlado | jla asisado]
- Ademola Adegbite. "Man arrested for murdering father in Oyo" —Punch. April 30, 2023
- Soji Ajibola. "Oyo: I hit my father’s head with iron rod in his sleep — 18-year-old murder suspect" —Tribune. April 30, 2023