Dawe de yì gànmẹ na pipòtọ gbẹzan etọn tọn na e zanhẹ viyọnnu owhe atọ̀n-mẹvi kọmẹnu etọn tọn wutu

Sọn Wikilinlin

Azangaagbe, Lidosun 19, 2023

To Tẹnigbe, whẹdatẹn de he nọ penukundo whẹho sẹ́ngbigba zanhẹmẹ tọn po danuwiwa whégbè tọn lẹ po to Ikeja dawhẹ na dawe owhe 46-mẹvi de he nọ yin Kehinde Gabriel nado sẹ̀ngàn na pipòtọ gbẹzan etọn tọn na e zanhẹ viyọnnu owhe atọ̀n-mẹvi de wutu.

Whẹdatẹn lọ he whẹdatọ Ramon A. Oshodi yin nukọntọ na mọ dọ e hùwhẹ nuṣiwa lọ tọn, bo dọdọ e yin gbẹtọ de he ma nọ dọ nugbo, podọ nuhe e wà lọ ma sọ vẹna ẹn.

Whẹdatọ lọ dọdọ danú he e wà lọ ma tindo whẹwhinwhẹn depope, podọ yasanamẹ he sọgbe hẹ nuṣiwa lọ wẹ yin nina ẹn.

Yinkọ nuṣiwatọ lọ tọn na yin kinkan dai do kandai sẹ́ngbatọ he gbàsẹ́n zanhẹmẹ tọn lẹ tọn mẹ he yin awuwlena gbọn tohọluduta Awọnlin tọn dali.

To ojlẹ dopolọ mẹ, ogbẹ́ Lagos State Domestic and Sexual Violence Agency ko na pipa whẹdatẹn lọ na whẹdida etọn.

Ogbẹ́ lọ na pipa whẹdatẹn lọ na whẹdida etọn to hodidọ de he yin zize do nọtẹn Twitter tọn yẹtọn tọn ji to Oguzangbe mẹ.

Asisa lẹ[jlado | jla asisado]

Gọẹ yi sọn "https://guw.wikinews.org/w/index.php?title=Dawe_de_yì_gànmẹ_na_pipòtọ_gbẹzan_etọn_tọn_na_e_zanhẹ_viyọnnu_owhe_atọ̀n-mẹvi_kọmẹnu_etọn_tọn_wutu&oldid=5902"