Jump to content

Dawe de tọ́navùn ponọ de po ohí po

Sọn Wikilinlin

Azangaagbe, Lidosun 26, 2023

Dawe owhe gban-atọ́nnukunẹnẹ mẹvi de he nọ yin Chukwuebuka Ekwueme, yin zize do ganmẹ gbọn whẹdatẹn daho ayimatẹn Awọnlin tọn to lẹdo ogba tọn mẹ to Yọnnuzagbe na e tẹnpọn nado hù ponọ de he nọ yin Inspector Oche Joseph wutu, bo gbọnmọ dali gbleawu na ẹn taun.

PUNCH Metro se dọ Ekwueme gbleawu na Joseph he yin ponọ lọ to whenuena e hu ohin awa po ota etọn po to lẹdo Oshodi tọn mẹ to ayimatẹn Awọnlin tọn mẹ.

Whedatọ Patricia Ojeh wẹ dawhẹ̀ lọ to whenue mẹhe yin whẹnsadokọna lọ yin zize wa whẹ́nukọn bo yin owhẹ̀ tintẹnpọn nado hùmẹ tọn sadokona. Whẹyidọtọ ponọ lẹ tọn Felicia Okwu dọ na whehọsa lọ dọ mẹhe yin whẹnsadokọna lọ wá danu daho lọ to azan fọtọnnukunawetọ owhe fọtọ́n donu awe po konukunatọ̀n po tọn.

Sọgbe hẹ whẹyidọtọ lọ, danuwatọ lọ dona pehẹ wọhẹ titengbe, sọgbe hẹ nuhe tin to osẹ́nwe mẹ to adà 230 a po b po mẹ sọgbe hẹ osẹ́nwe ayimatẹn Awọnlin tọn vọkan owhe fọtọ́n donu awe po fọtọ̀n po tọn.

Owhẹ̀ lọ hia dole, "Dọ hiẹ, Chuckwuebuka Ekwueme, to 17 April, 2023, to nudi 10:05 afọnnu tọn mẹ to Ponọpá Makinde to Mafokuku, Oshodi to Whẹ̀datẹn Daho Ikeja tọn lọ mẹ tẹnpọn nado hù Oche Joseph he yin ponọ de gbọn aglanpa de yiyi do gbleawuna ẹn sinsinyẹn do okọ̀-godo po alọ̀ adusi po, bo hẹn awugble agbasago tọn he blawu taun wá na ẹn bo gbọnmọ dali tunafọ osẹ́n he tin to Adà 230 (a) po (b) po osẹ́nwe ayimatẹn Awọnlin tọn Naijilia tọn na owhe 2015 tọn.

Whẹ̀datọ Ojeh degbe dọ whẹyidọtọ lọ ni do vọ́kan kandai owhẹ̀ lọ tọn de hlan Anadenanutọ Whẹ̀dida Otò tọn lọ nado mọ ayinamẹ osẹ́n tọn yí.

Asisa lẹ

[jlado | jla asisado]
Gọẹ yi sọn "https://guw.wikinews.org/w/index.php?title=Dawe_de_tọ́navùn_ponọ_de_po_ohí_po&oldid=16801"