Dawe de sọ́ ohí azọ́nwatọgbẹ́ etọn kakajẹ okú

Yọnnuzangbe, Nuwhàsun 4, 2023

Nyagh Isaiah ko yin didohlan gànpamẹ to Oguzangbe gbọn Whẹdatẹn Yaba tọn dali na e hù azọ́nwatọgbẹ́ etọn, Kingsley Kator to Mushin-waji to ayimatẹn Awọnlin tọn mẹ.

Dawe owhe 35 mẹvi lọ yin didohlan gànmẹ gbọn Whẹdatọ P.E Nwaka dali na whẹho mẹhùhù tọn wutu.

Sọgbe hẹ osẹ́n, Thomas Nurudeen, e dọ dọ, Ylanwatọ lọ wa danu lọ to Lidosun 9, 2023, to nudi ogan 1 whemẹ tọn to Ojuelegba-waji to ayimatẹn Awọnlin tọn.

Nurudeen dọna whẹdatẹn lọ dọmọ, mẹhe basi matintọ yin hùhù to whenue yé omẹ awe lẹ to avùnho po ogo gbigbá po.

Sọgbe hẹ whẹsadokọnamẹ lọ, ylanwiwa lọ jẹagọdo osẹ́n Section 222 bosọ yin yasana to osẹ́n Section 223 glọ, he tin to osẹ́n sẹ́nhẹngba ayimatẹn Awọnlin tọn.

Whẹyidọtọ lọ hodẹ na whẹdatẹn nado wle whẹhùtọ yi Ikoyi Custodial Centre to whenuena owhẹ lọ ma ko yin didọ fó, sọgbe hẹ ayinamẹ he yin nina dali.

Ovẹ̀ ylanwatọ lọ tọn to aliho de mẹ ma ko yin alọkẹyi, Whẹdatọ lọ, Nwaka na obiọ whẹyidọtọ lọ tọn bo degbe dọ ylanwatọ lọ ni yin wiwle bo gbẹ́ ayinamẹ azọ́nwatẹn DPP tọn dai.

Nwaka sọ sẹ̀ owhẹ lọ yinukọn kakajẹ Nuwhàsun 25, 2023 tọn.

Asisa lẹ

• Naomi Chima. "Man stabs co-worker to death" —Punch. May 3, 2023
• Adekunle Dada. "Update: Bartender remanded for stabbing co-worker to death in Lagos" —Within Nigeria. May 3, 2023